Saç ustaların sənəti və makiyaj üzrə Azərbaycan çempionatın qalibləri müəyyən edildi.
Bakıda Kempinski Hotel Badamdarda saç ustalarının sənəti və makiyaj üzrə Azərbaycan çempionatı keçirilib.
Milli.Az bildirir ki, bu barədə Trend Life xəbər verir.
Çempionatın nəticələrinə görə, beynəlxalq arenada ölkəmizi təmsil edən Azərbaycanın yığma komandasının üzvləri müəyyən edilib.
İstəyi olan bütün ustalar bu yarışa qatılmaq üçün namizədliklərini irəli sürmüşdülər. Münsif heyətini iştirakçılar özləri seçmişdilər. Beynəlxalq tələblərə görə, şəffaf gedişatı təmin etmək üçün münsiflərin yüksək və kiçik qiymətləri sıfırlanırdı. Saç ustaların Azərbaycan çempionu Çəvahir Mirqadirli oldu, 2-ci yerə - Elza Məmmədova, 3-cü yerə - İradə Seyfullayeva və Kəmalə Kərimova, 4-cü yerə - Səbinə İmanova sahib oldular.
Vizaj üzrə Azərbaycan çempionu - Könül Namazova oldu, 2-ci yerdə - İradə Seyfullayeva, 3-cü yerdə - Səbinə Quliyeva, 4-cü yerdə - Lamiyə Babayeva, 5-ci yerdə - Elza Məmmədova və Mirvari Əliyeva qərarlaşdılar.
Dəbli obrazın yaradılmasında Azərbaycan çempionu adını - Elza Məmmədova qazandı. 2-ci yer - Şəbnəm Nəcəfova və Könül Namazovaya, 3-cü yer - Şəbnəm Həsənzadə və Günay Məmmədliyə, 4-cü yer - Lalə Telforda, 5-ci yer - Səbinə İmanova, Zara Rəşidova və Yeganə Məmmədovaya nəsib oldu.
Qaliblər Azərbaycan yığmasının heyətinə daxil oldular. Onlar Avrasiya, Avropa və Dünya çempionatlarında ölkəmizi təmsil edəcəklər.
Qeyd edək ki, Avrasiya çempionatı 30 may Qafqaz Hotel and Residences, World Beauty Congress tərəfindən təşkil olunub və Bakıda keçiriləcək. Azərbaycanı bu çempionatda 4 komanda təmsil edəcək, bu barədə bizə Avrasiya WBC regionda Gözəllik İndustriyasının inkişafı üzrə direktoru Alla Fərzliyeva məlumat verdi.
"2016 ildə çempionat ikinci dəfə keçiriləcək. Hindistan, Nepal, BƏƏ, Macarıstan, Moldova, Rusiya, Qırğızıstan, Qazaxıstan və digər ölkələrin nümayəndələri iştirak edəcəklər. Adətən kvotaya uyğun ölkə bir, ya iki komanda ilə təmsil oluna bilər, amma bizim ölkəyə bu dəfə dörd komanda ilə iştirak imkanı verildi. Bizim ustalar WBC mərkəzi aparatında yüksək nəticə göstəricilərə malik olduqları üçün bu imkanı qazandılar.
Çempionatda - treninqlərdə, yarışlarda iştirak edən, peşəkar təcrübəsi olan və mötəbər yarışda özünü sınamaq istəyən ustalar iştirak edəcəklər. Qalib Avropada birillik müqavilə əsasında mütəxəssis yanında işlə təmin ediləcək. Gələcekdə bu çempionatı respublika səviyyəsində keçirməyi planlaşdırırq. Və hədəfimiz bütün regionların iştrakıdır", - Alla Fərzəliyeva qeyd etdi.
Avrasiya çempionatında iştirak etmək hüququnu əldə edən ikiqat Avropa çempionu Zülfiyyə Tağıyeva və Avropa çempionatının bürünc mükafatçısı Arzu Məmmədli oldular.
"Gözəllik üzrə Avrasiya çempionatı saç ustaları sənəti və makiyaj üzrə beynəlxalq yarışdır. Burada stilistlər, vizajistlər və saç ustaları iştrak edirlər. "Dəbli Qadın Saç düzümü" - "Dəbli Qadın Makiyajı" - "Dəbli Qadın Obrazı" kateqoriyalarında keçirilir. Hər iştirakçı istər bir, ya bir neçə çempionatın yarış növlərində öz gücünü sınaya bilər", - bu barədə bizə World Beauty Congress-in prezidenti Zamir Hüseynov məlumat verdi.
İnformasiya dəstəyi - Trend.az, Day.az, Milli.az, Azernews.az
