Bakı. 1 avqust. REPORT.AZ/ Türkiyənin Ətraf Mühit və Şəhərsalma Nazirliyi Fətullahçı terror təşkilatı (FETÖ) ilə əlaqədə şübhəli bilinən 195 əməkdaşını işdən çıxarıb.
"Report" Türkiyə KİV-inə istinadən xəbər verir ki, onlar dövlət qulluqçusu statusundan məhrum ediliblər və bir daha dövlət müəssisələrində işləyə bilməyəcəklər.
Məlumata görə, məmurlardan 66-sı nazirlikdə, 86-sı Dövlət Əmlak və Kadastr Baş İdarəsində, 45-i isə "İLBANK A.Ş" Baş İdarəsində çalışırmış. Bundan əlavə, Ətraf Mühit və Şəhərsalma Nazirliyinin şəhər idarələrində işləyən daha 26 əməkdaş sərəncama göndərilib.