Azərbaycan Opera və Balet Teatrı balet truppasının gənc solisti Cəmilə Kərimova sentyabrın 8-dən 17-dək Qazaxıstanın Astana şəhərində keçiriləcək III Beynəlxlaq Balet artistləri müsabiqəsində iştirak etmək üçün dəvət olunub.
Opera və Balet Teatrının mətbuat xidmətindən Milli.Az-a verilən məlumata görə, C.Kərimova Teatrda 2011-ci ildən çalışır. Truppanın ən gənc və ümidverən solistlərindəndir. Bakı Xoreoqrafiya Akademiyasının magistraturasında təhsil alır. Azərbaycan Respublikası Prezidentinin mükafatçısı, Qəmər Almaszadə adına I Beynəlxalq balet müsabiqəsinin Qran-Pri mükafatının sahibidir.
C.Kərimova müsabiqədə "Qu gölü", "Don Kixot", "Yatmış gözəl", "Bayaderka" kimi klassik baletlərdən nümunələrlə çıxış edəcəkdir.
Milli.Az
