Ötən gün Afrika qitəsində də DÇ-2018-in seçmə mərhələ oyunları keçirilib.
Publika.az lenta.ru-ya istinadən bildirir ki, Fil Dişi Sahili millisinin və PSJ-nin hücumçusu Serj Orye ötən gün millinin Mali ilə keçirdiyi oyun zamanı vurduğu qolu qəribə hərəkətlərlə qeyd edib. Futbolçu vurduğu qoldan sonra tribunalara doğru qaçarkən əliylə boğaz kəsmə işarəsi göstərib.
Xatırladaq ki, ötən həftələrin birində Parisdə gecə klubundan çıxarkən polislə mübahisə edərək zor tətbiq edən 23 yaşlı Serj Oryeyə 2 ay həbs cəzası verilmişdi.