Nigeriya yığması silahlı basqına məruz qalıb.
Publika.az xəbər verir ki, hadisə DÇ-2018-in seçmə mərhələsində keçirilən Zambiya ilə oyundan sonra aeroportda baş verib. İki silahlı şəxs özlərini polis əməkdaşları kimi təqdim edərək, Nigeriya Futbol Federasiyasının vitse-prezidenti Şexu Dikkonu həbs etmək istəyiblər.
Onlardan biri silahla yığma komandanın üzvlərini hədələyib. Silahlı şəxslərdən həbslə bağlı order tələb etdikdə, onlar havaya atəş açıblar.
Məlumata görə, yığma komandanın üzvləri aeroportdan evakuasiya ediliblər. Hadisə nəticəsində xəsarət alan olmayıb.