İslam Həmrəyliyi Oyunlarının Əlaqələndirmə Komissiyasının IV iclasının vaxtı açıqlandı

İslam Həmrəyliyi Oyunlarının Əlaqələndirmə Komissiyasının IV iclasının vaxtı açıqlandı
17:37 4 Noyabr 2016
45 İdman
Ölkə mətbuatı
A- A+

İslam Həmrəyliyi İdman Federasiyasının (İHİF) Bakıda keçiriləcək IV İslam Həmrəyliyi Oyunları ilə əlaqədar Koordinasiya Komissiyasının IV iclasının vaxtı dəqiqləşib.

Milli.Az Trend-ə istinadən bildirir ki, bu barədə Gənclər və İdman Nazirliyinin mətbuat xidmətinin rəhbəri Səmayə Məmmədova jurnalistlərə açıqlamasında deyib.

Onun sözlərinə görə, iclas noyabrın 8-də keçiriləcək.

İclasda gənclər və idman naziri Azad Rəhimov, Milli Olimpiya Komitəsinin vitse-prezidenti Çingiz Hüseynzadə, Əlaqələndirmə Komissiyasının sədri Hamad Kalkaba Maldoum və digər rəsmilər iştirak edəcəklər:

"Yığıncaq saat 09:00-da öz işinə başlayacaq. Burada İslamiadada iştirak edəcək idman növü və atletlərin sayı dəqiqləşəcək. Bununla yanaşı, nəqliyyat, infrastruktur, könüllülərlə işin qurulması və digər məsələlər müzakirə olunacaq. Günün yekununda, saat 16:00-da KİV nümayəndələri üçün mətbuat konfransı keçiriləcək".

S.Məmmədova bildirib ki, iclasın ikinci günü isə marketinq, yayım, kommersiya, həmçinin açılış və bağlanış mərasimləri barədə fikir mübadiləsi aparılacaq.

Milli.Az


Xəbərin orijinal ünvanı: http://news.milli.az/sport/486401.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR