"Report"un xəbərinə görə, hadisə Binəqədi rayonunun Biləcəri qəsəbəsi ərazisində qeydə alınıb.
Belə ki, naməlum şəxs və ya şəxslər Ələkbər Qasımov küçəsi ev 26-da yaşayan 1948-ci il təvəllüdlü Əli Əliyevə məxsus mənzilin pəncərəsinin dəmir barmaqlıqlarını qıraraq içəri daxil olublar. Oğrular mənzildən 70 min manat pul və 1 000 manat dəyərində qızıl-zinət əşyaları aparıblar.
Faktla bağlı Binəqədi Rayon Polis İdarəsində araşdırma aparılır.
