“Rus səfirinə qarşı edilmiş sui-qəsddə əlaqələrin hamısı FETÖ-nü göstərir. Sui-qəsdçi FETÖ mənsubudur, bunu gizlətməyə ehtiyac yoxdur”.
Avropa.info xəbər verir ki, bunu Türkiyə prezidenti Rəcəb Tayyib Ərdoğan deyib.
“Sui-qəsdçinin yetişdiyi yerdən tutmuş bütün təmaslarına qədər hər şey FETÖ-nü göstərir. Hazırda Rusiyadan da gələn istintaqçılarla bizim istintaqçı heyətlərimiz birlikdə çalışmalarını aparırlar. Bu adamın xaricdəki əlaqələrinə yönəlik də bəzi məlumatları var. Hazırda Milli Kəşfiyyat Təşkilatımız, digər istintaq orqanlarımız, işlərini davam etdirir. Yekun nəticəyə gələndən sonra açıqlayacağıq” deyə Ərdoğan qeyd edib.