Bakı. 22 fevral. REPORT.AZ/ “İran hesabat verməlidir ki, hansı rejimlə əməkdaşlıq etdiyini iddia edir”.
“Report” Türkiyə KİV-inə istinadən xəbər verir ki, bunu Prezident Adminstrasiyasının sözçüsü İbrahim Kalın son günlər İran rəsmilərinin Türkiyənin ünvanına söylədikləri fikirlərə cavab verərkən bildirib.
“İran bizim çox əhəmiyyətli qonşumuzdur. Bu ölkə ilə uzun bir sərhədimiz var. Həm ikitərəfli əlaqələr, həm də regional məsələlərlə bağlı həmişə müzakirələr aparırıq. Bununla belə İranın bölgədəki məsələlərdə nüfuzunu artırmağa çalışdığını da görməyə bilmərik. “Ora rejimin dəvəti il getdik” arqumenti bizim üçün qəbuledilməzdir. İran hansı rejimlə əməkdaşlıq edib? 600 min insanı qətlə yetirən bir hökumətlə əməkdaşlıq etmək nə dərəcədə qanunidir? İŞİD-ə qarşı mübarizəmiz, fəaliyyətimiz, verdiyimiz şəhidlər ortadadır. Türkiyə bu gün İŞİD-ə qarşı mübariəzinin ön cərgəsindəddir. Bunu təqdir etməkdənsə, Türkiyəyə qarşı diqqətə almadığımız tənqidlər eşidilir. Dövlət adından danışanda gərək ciddi və məsuliyyətli olasan. Biz milli təhlükəsizliyimiz, bölgə və Suriya xalqının gələcəyi üçün çox ciddi mübarizə aparırıq” - İbrahim Kalın vurğulayıb.
Qeyd edək ki, ötən gün İranın ali rəhbəri ayətullah Seyid Əli Xaməneinin müşaviri Əliəkbər Vilayəti deyib: “Türkiyə Suriyadakı hədəflərinin heç birinə nail olmayıb. Onlar Dəməşqə gedib, Əməvi məscidində namaz qılmaq istəyirdilər. Bunu edə bilmədilər və heç bir zamanda edə bilməyəcəklər. İraq və Suriya hökumətləri müşavirlik etmək üçün İranı ölkələrinə rəsmi dəvət ediblər. Suriya və İraqa icazəsiz gedənlər təcavüzkardırlar və bu ölkələrdən çıxmalıdırlar”.
İran rəsmiləri Suriyada və İraqda müşavirlik etdiklərinin desələr də, ötən gün Rusiya Xarci İşlər Nazirliyinin nümayəndəsi bidirib ki, İran və “Hizbullah” silahlıları hərbi münaqişə bitdikdən sonra Suriya və İraqı tərk edəcəklər.
