Romanın cənubunda atışma baş verib.
Milli.Az Trend-ə istinadən xəbər verir ki, paytaxt İdarə Polisinin məlumatına görə, atışma nəticəsində 4 nəfər xəsarət alıb.
Məlumatda deyilir: "Atışma baş verib. Nəticədə 3 italyan və bir ispaniyalı olmaqla 4 nəfər yaralanıb. İnsident barədə əlavə məlumat veriləcək".
"La Repubblica" qəzetinin yaydığı məlumata görə, atışma səhər saatlarında, yerli vaxtla 5 radələrində baş verib. Yaralılardan 2 nəfərin vəziyyətinin ağır olduğu bildirilir.
Hadisə yerində hüquq-mühafizə əməkdaşları işləyir. Atışmanın ilkin səbəbi olaraq mübahisə ehtimal edilir.
Milli.Az
