Yeni Azərbaycan Partiyasının Səbail rayon təşkilatının sədri Zahid Qaralov dünyasını dəyişib. Bu barədə Trend YAP-dan məlumat verilib.
Verilən məlumata görə, Z.Qaralov dünyasını Almaniya xəstəxanalarından birində dəyişib.
Xatırladaq ki, Qaralov Zahid İbrahim oğlu 10 iyul 1934-cü ildə Gürcüstanın Başkeçid rayonunun Ormeşən kəndində anadan olmuşdur. Azərbaycan Dövlət Pedaqoji İnstitutunun (indiki ADPU) fizika-riyaziyyat fakültəsini bitirmişdir. Pedaqoji elmlər doktoru, professordur. Respublikanın əməkdar müəllimidir.
Yeni Azərbaycan Partiyası Siyasi Şurasının və İdarə Heyətinin üzvüdür. 1995-2005-ci illərdə Milli Məclisin deputatı olub. 1976-cı ildə Azərbaycan Elmi-Tədqiqat Pedaqoji Elmlər institutunun direktoru təyin olunmuşdur. Bir neçə dərslik və dərs vəsaitinin müəllifidir.
Məşhur 91-lərdəndi. Yeni Azərbaycan Partiyasını Səbail rayon təşkilatının sədri idi.
Riyaziyyatçı alim, pedaqoq, pedaqoji elmlər doktoru, professordur.
Allah rəhmət eləsin!
Milli.Az
