Aparıcı Zaur Baxşəliyev insanların onun kimi məşhur şəxsə qarşı biganəliyindən şikayət edib.
Publika.az xəbər verir ki, Nəriman Nərimanov metrostansiyasının yanından 28 Maya qədər piyada gedən aparıcı yolda video çəkib instaqramda paylaşıb.
“Sən insanlara bitənə qədər lazımsan. Tükəndinsə, lazımsız bir əşya kimi atılacaqsan. Canın əldən getdisə, demək gərəksizsən. Hətta zamanla doğmaların da səndən çönər. Hərdən ağır xəstəliyə tutulan insanların ən yaxınları belə, “ölsəydi, canı qurtarardı” deyir. Özünüzü yaşayın, rahat olun. Özünüzü düşünməsəniz, kimsə sizi düşünməyəcək. İndi “Ay Zaur, səndən yoxdur, sən bir dənəsən” yazırlar. Sonra da yazacaqlar “Bax necə qocaldı, bu da belə getdi” deyiləcək. Ona görə də öz həyatını doya-doya yaşa”.
