Bakı. 18 may. REPORT.AZ/ Azərbaycanın voleybolçu qadınlardan ibarət milli komandası "Bakı 2017" IV İslam Həmrəyliyi Oyunlarının qalibi olub. "Report"un məlumatına görə, Faiq Qarayevin baş məşqçi olduğu kollektiv finalda Türkiyə yığmasını yenib - 3:1.
Bakı Kristal Zalında keçirilmiş həlledici görüşdə "ay-ulduzlular" yalnız ikinci seti qalib kimi başa vura biliblər. Qalan setlərdə üstün oyun sərgiləyən Azərbaycan millisi yekunda İslamiadanı qızıl medalla başa vurub.
FİNAL
19:30. Azərbaycan - Türkiyə - 3:1 (25:12, 23:25, 25:20, 25:21)
Bakı Kristal Zalı-1
