ABŞ Ohayo ştatının Port Kolumbus aeroportunun avtomobil dayanacağında polis bir nəfəri güllələyib. ANS PRESS-in məlumatına görə, adı açıqlanmayan şəxs hadiosə yerində ölüb.
Hava limanının rəsmi nümayəndəsi Devid Uitikerin sözlərinə görə, aeroportun avtomobil dayanacağında polis əməkdaşları və naməlum kişi arasında mübahisə baş verib.
Nəticədə polislər həmin şəxsə atəş açıblar.
Mətbuatda qeyd olunub ki, həlak olmuş silahlı müqavimətləri göstərməyib və hüquq-mühafizə orqanlarının əməkdaşları zərər çəkməyib.
Baş vermiş hadisə şəraiti hələlik naməlumdur.
Aeroportdan uçuşlar kiçik fasilədən sonra fəaliyətə başlayıb, hal-hazırda terminallar adi rejimdə işləyir.
