Nikaha daxil olmaq istəyən şəxslər aşağıdakı xəstəliklər üzrə tibbi müayinədən keçməlidirlər:
1. Hemoqlobinopatiyalar
2. Böyük beta-talassemiya
3. Aralıq beta-talassemiya
4. Drepanotalassemiya
5. Oraqvari hüceyrəli anemiya
6. İİV/QİÇS
7. Sifilis.
Tibbi arayışı olmayanların nikaha daxil ola bilməyəcək. Bəs tibbi arayışları hansı xəstəxanadan almaq lazımdır? Bu arayışları alanda pul ödəmək lazımdırmı?
Tibbi müayinənin keçirilməsinə, habelə məsləhətlərin verilməsinə və qeydiyyatın aparılmasına nəzarət tibb müəssisəsinin bilavasitə rəhbəri tərəfindən həyata keçirilirilməlidir.
Tibbi müayinənin keçirilməsi və məsləhətlərin verilməsi pulsuz aparılır.
Nikaha daxil olmaq istəyən şəxslərə Ədliyyə Nazirliyinin rayon (şəhər) qeydiyyat şöbələrinə təqdim edilməsi üçün tibbi müayinədən keçdiklərini təsdiq edən arayış verilir. Arayışda müayinənin nəticələri əks olunmur.
Arayış tibb müəssisəsinin rəhbəri və tibbi müayinənin aparılmasına məsul həkim tərəfindən imzalanır və müəssisənin möhürü ilə təsdiq edilir. Tibbi arayış nikaha daxil olmaq istəyən şəxslərin tibb müəssisəsinə müraciət etdiyi gündən sonra iki həftədən gec olmayaraq verilməlidir və veriləcək tibbi arayışın etibarlılıq müddəti bir aydır.
