Bakı. 4 iyun. REPORT.AZ/ Londonun mərkəzindəki körpüdə mikroavtobus piyadaları vurub.
"Report"un məlumatına görə, bu barədə "BBC" (Bi-Bi-Si) telekanalı xəbər verib.
"The Sun"ın məlumatına görə isə, hadisə yerində insanlar təxliyə edilirlər. Əraziyə silahlı polislər cəlb olunub.
Şahidlər polislərin atəş açdığını bildirib.
"Biz qaçmağa məcbur olduq. Çoxlu sayda atışma vardı" deyə hadisə şahidlərindən biri bildirib.
"Sun" nəşri də London körpüsündə atışma səslərinin gəldiyini xəbər verib. Nəşr hadisə şahidlərinə əsasən bir neçə nəfərin bıçaq xəsarətləri aldığını bildirib.
