Ermənistanın Vaşinqtondakı səfirliyinin qarşısında Azərbaycan vətəndaşları Yerevanın sərhəd kəndlərinin dinc əhalisinə törətdiyi vəhşiliklərə qarşı etiraz aksiyası keçiriblər.
Bu barədə Trend-ə aksiya iştirakçılarından biri məlumat verib.
Aksiya iştirakçıları əllərində "Qarabağ - Azərbaycanın beynəlxalq səviyyədə tanınan hissəsidir", "Mən Qarabağda öz evimə qayıtmaq istəyirəm" sözləri yazılmış və Ermənistan hakimiyyətinin Azərbaycanın dinc vətəndaşlarına qarşı törətdiyi vəhşiliklərin foto-faktları olan plakatlar tuturdular.
Həmçinin aksiya iştirakçıları erməni hakimiyyətinə Azərbaycanın dinc əhalisini və körpələrini öldürməyi dayandırmaq haqqında çağırışlar səsləndirirdilər.
