Prosineçki Türkiyə klubunun yeni baş məşqçisi ola bilər

Prosineçki Türkiyə klubunun yeni baş məşqçisi ola bilər
01:22 20 Noyabr 2017
154 İdman
Ölkə mətbuatı
A- A+

Bakı. 20 noyabr. REPORT.AZ/ Azərbaycan millisinin sabiq baş məşqçisi Robert Prosineçki Türkiyənin "Gənclərbirliyi" komandasının sükanı arxasına keçə bilər.
"Report"un "Fanatik"ə istinadən məlumatına görə, artıq xorvatiyalı mütəxəssislə ilkin təmas da olub. 
Lakin Ankara təmsilçisinin əsas namizədi Rumıniya yığmasından istefaya göndərilmiş Kristof Daumdur. Daumla danışıqlarda ciddi irəliləyiş olmasa, klub Prosineçki ilə anlaşmağa çalışacaq.
Qeyd edək ki, bu mövsüm "Gənclərbirliyi" Superliqada 12 tur ərzində iki baş məşqçi ilə yollarını ayırıb. Avqustun 30-da Ümit Özatı əvəzləyən Məsut Bakkal ötən gün evdə "Kayserispor"a 1:2 hesablı məğlubiyyətdən sonra istefaya göndərilib. 
Hazırda "Gənclərbirliyi" 12 oyundan 8 xalla sonuncu - 18-ci pillədə qərarlaşıb. Azərbaycan millisi ilə müqaviləsini qarşılıqlı razılıq əsasında uzatmayan Robert Prosineçki isə 2012-2013 mövsümündə "Kayserispor"da çalışıb. 

Xəbərin orijinal ünvanı: https://report.az/futbol/prosinecki-turkiye-klubunun-yeni-bas-mesqcisi-ola-biler

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR