Sarkisyanı Azərbaycana gətirən 3 GİZLİ SƏBƏB, əsrin SAZİŞİ... – HƏFTƏNİN SİYASİ XÜLASƏSİ

Azərbaycan və Ermənistan xarici işlər nazirləri arasında görüş keçirilib. Xəzər dənizinin hüquqi statusu üzrə bütün məsələlərlə bağlı razılıq əldə olunub. Ermənistan parlamenti Rusiyanın İrəvana 100 milyon dollarlıq kredit verməsi haqqında müqaviləni təsdiqləyib. Rusiya prezidenti Vladimir Putin 2018-ci ildə prezident seçkilərində iştirakını rəsmən elan edib. Husilər Yəmənin devrilmiş liderini öldürüblər. ABŞ və Cənubi Koreyanın Koreya yarımadası ətrafında birgə hərbi təlimə başlaması regionda müharibəyə gətirib çıxara bilər. ABŞ prezidenti Donald Tramp Qüdsü İsrailin paytaxtı kimi tanıyıb. Qüdsdə və İordan çayının qərb sahilində fələstinlilərlə İsrail təhlükəsizlik gücləri arasında toqquşmalar baş verib. Vaşinqton Fələstin-İsrail probleminin həlli üçün “əsrin sazişi”ni bağlamaq istəyir.

Azərbaycan, Dağlıq Qarabağ

Azərbaycanın xarici işlər naziri Elmar Məmmədyarov dekabrın 6-da ATƏT-in MQ həmsədrlərinin vasitəçiliyi ilə Ermənistandan olan həmkarı E.Nalbəndyan ilə Vyanada görüşüb. Görüşdə Ermənistan-Azərbaycan Dağlıq Qarabağ münaqişənin tezliklə həlli üçün substantiv, məntiqi və konkret əsaslı danışıqların aparılmasının zəruri olduğu vurğulanıb.

Dağlıq Qarabağ münaqişəsi ilə bağlı nəticələrə yönələn danışıqların yenidən başlaması yaxşı haldır. Bunu Azərbaycanın xarici işlər naziri Elmar Məmmədyarov ATƏT Xarici İşlər Nazirləri Şurasının Vyanada keçirilən iclasında deyib.

Ermənistanın Xarici İşlər naziri Edvard Nalbəndyan Azərbaycanın XİN başçısı Elmar Məmmədyarovla keçirdiyi son görüşün müsbət ab-havada keçdiyini bildirib. "Elmar Məmədyarovla dünənki görüşümüz, ümumilikdə, müsbət ab-havada keçdi. İndi hadisələrin inkişaf edəcəyini gözləyirik", - diplomat vurğulayıb.

E.Nalbandyan həmçinin Azərbaycan və Ermənistan prezidentlərinin Cenevrədəki görüşünü müsbət qiymətləndirərək tərəflərin ortaq fikrə gəldiklərini vurğulayıb.

ABŞ ATƏT-in Minsk qrupunun Dağlıq Qarabağ münaqişəsinin sülh yolu ilə nizamlanması istiqamətində səylərini dəstəkləyir. Biz Dağlıq Qarabağ münaqişəsində irəliləyiş əldə etməliyik. Bu sözləri ATƏT Xarici İşlər Nazirləri Şurasının Vyanada keçirilən toplantısında çıxışı zamanı ABŞ dövlət katibi Reks Tillerson deyib.

R. Tillerson bildirib ki, ABŞ Azərbaycan və Ermənistan prezidentlərinin oktyabrda keçirdikləri görüşdə danışıqları intensivləşdirmək qərarına gəlmələrini və münaqişə zonası boyunca gərginliyi azaltmaq səylərinə sadiqliklərini alqışlayır: "İrəliləyişi yalnız siyasi iradə olduqda əldə etmək mümkündür".

Rusiya Ermənistan-Azərbaycan, Dağlıq Qarabağ münaqişəsinin həlli üzrə ATƏT-in Minsk qrupunun həmsədri kimi, tərəflərə qarşılıqlı faydalı həllərin axtarışında yardımı davam etdirəcək. Bunu Rusiyanın Xarici İşlər naziri Sergey Lavrov ATƏT-ə üzvü olan ölkələrin xarici işlər nazirləri Şurasının Vyanada keçirilən illik iclasında deyib.

Onun sözlərinə görə, bu həll yolları Rusiya, ABŞ və Fransa prezidentlərinin dəfələrlə təsdiq etdiyi prinsiplərə uyğun olmalıdır.

ATƏT-in Minsk qrupunun həmsədr ölkələrinin təşkilatın Vyanada keçirilən 24-cü Nazirlər Şurasında iştirak edən nümayəndə heyətlərinin rəhbərləri - Rusiyanın xarici işlər naziri Sergey Lavrov, ABŞ-ın dövlət katibi Reks Tillerson və Fransanın ATƏT yanında daimi nümayəndəsi Veronika Roger Lacan birgə bəyanatla çıxış ediblər. Bəyanatda həmsədr ölkələr Ermənistan-Azərbaycan, Dağlıq Qarabağ münaqişəsinin sülh yolu ilə, Helsinki Yekun Aktının prinsipləri əsasında həlli üçün vasitəçilik missiyasında birgə mövqedən çıxış etdiklərini bir daha təsdiq ediblər.

“Dağlıq Qarabağ münaqişəsində birbaşa dialoq var, lakin təəssüf ki, bu, hələlik ciddi irəliləyişlə nəticələnmir”. Bu barədə Rusiya xarici işlər naziri Sergey Lavrov Vyanda ATƏT-in Xarici İşlər Nazirləri Şurasının iclası çərçivəsində keçirdiyi mətbuat konfransında deyib.

Onun sözlərinə görə, bu il ərzində Azərbaycan və Ermənistan prezidentlərinin bir, xarici işlər nazirlərinin isə bir neçə dəfə görüşü keçirilib.

“Bu dialoq pozitiv haldır. Biz amerikalı və fransalı həmkarlarla birlikdə kollektiv yanaşmanın olduğu istiqamətdə işləməyə davam edəcəyik. Bu sessiyada biz bunu bir daha təsdiq etdik. Verdiyimiz bəyanatda həll üçün nəzərdə tutulan əsas prinsiplər öz əksini tapıb. Tərəflər bunu qəbul edib, lakin hələ addım atılmayıb. Bu, asan məsələ deyil, amma bu istiqamətdə işləyəcəyik”, - deyə o bildirib.

Dekabrın 5-də Rusiya paytaxtı Moskvada Xəzəryanı dövlətlərin xarici işlər nazirlərinin yeddinci iclası keçirilib. Toplantıda Azərbaycan, Rusiya, İran, Qazaxıstan və Türkmənistan XİN başçıları iştirak edirlər.

Region ölkələr Xəzər dənizinin hüquqi statusu üzrə qalan bütün məsələlərlə bağlı razılığa gəlib. Faktiki olaraq müvafiq konvensiyanın mətni hazırdır. Bunu Xəzəryanı ölkələrinin XİN rəhbərlərinin Moskva görüşünün yekunlarına dair mətbuat konfransında Rusiyanın xarici işlər naziri Sergey Lavrov bildirib.

“Ümumilikdə mən keçirdiyimiz görüşü pozitiv qiymətləndirirəm. Biz Xəzərin hüquqi statusuna dair Konvensiya üzərində 20 il davam edən işi yekunlaşdırdıq. Bu mətn təsdiqlənməsi üçün ölkə başçılarımıza təqdim olunacaq və biz ümid edirik ki, sənəd onlar tərəfindən imzalanacaq”, - deyə Lavrov vurğulayıb.

Bonnda yerləşən Beynəlxalq Konversiya İnstitutu (BICC) 2017-ci ilin yekunları üzrə Qlobal Hərbiləşdirmə İndeksini (Global Militarization Index 2017) dərc edib. 2017-ci ildə neft qiymətlərindəki azalma və hərbiləşdirmənin səviyyəsi arasındakı əlaqə xüsusilə Mərkəzi və Cənubi Amerikada, eləcə də Yaxın Şərqdə aydın görünür.

Azərbaycan 11, Ermənistan... - Beynəlxalq təşkilat 2017-ci ilin YEKUNLARINI AÇIQLADI

Qarabağa gələn Ermənistan prezidenti Serj Sarkisyan da təlimləri izləyib. “Lragir” saytı yazır ki, “Ermənistan ordusu əks-hücum planları hazırlayır.

İrəvanın YENİ MÜHARİBƏ TAKTİKASI - Düşmən Qarabağda HƏRƏKƏTƏ KEÇDİ

Ermənistan prezidenti Serj Sarkisyanın dekabrın 2-də Azərbaycanın işğal olunmuş Dağlıq Qarabağ bölgəsinə səfəri Qarabağ münaqişəsi ətrafında baş verən proseslər fonunda diqqət çəkir. Sarkisyanın Azərbaycan torpaqlarına səfərinə iki rakursdan baxmaq olar.

Sarkisyan Azərbaycana nə üçün GƏLMİŞDİ? - 3 GİZLİ SƏBƏB ÜZƏ ÇIXDI

Ermənistan

Ermənistan parlamenti Rusiyanın İrəvana 100 milyon dollarlıq kredit verməsi haqqında müqaviləni təsdiqləyib. Müqaviləyə parlamentin 92 deputatı səs verib. Ermənistan müdafiə nazirinin birinci müavini Artak Zakaryan bildirib ki, Ermənistana gətiriləcək hərbi təyinatlı məhsullar tamamilə yenidir. Nazir müavini əlavə edib ki, təchizatlar Ermənistanın təhlükəsizliyinin səviyyəsini artıracaq və ölkənin silahlı qüvvələrinin potensialını gücləndirəcək. Onun sözlərinə görə, söhbət “regional əhəmiyyət” daşıyan silah növlərindən gedir.

Ermənistan 100 milyonluq silah müqaviləsini təsdiqlədi

Türkiyə, İran, Yaxın Şərq

ABŞ xaricdən bizim üçün yazılan ssenarilərə tabe olmadığımız üçün Türkiyəni cəzalandırmaq və etibardan salmaq istəyir. Bu sözləri Türkiyə Prezidenti Rəcəb Tayyib Ərdoğan deyib.

“Onlar bizi cəzalandırmağa, mühakimə etməyə və gözdən salmağa çalışırlar. Çünki biz onların ölkəmizdəki nümayəndələri tərəfindən icra olunan ssenarilərinə əməl etmirik. Onlar bunu FETÖ ilə edirlər. Ancaq bilməlidirlər ki, bizi aldada bilməyəcəklər”, - Ərdoğan bildirib.

Türkiyə Prezidenti həmçinin Vaşinqtonu PKK-ya dəstək verməkdə günahlandırıb.

ABŞ-da keçirilən məhkəmə prosesinə şahid kimi qatılan Azərbaycan əsilli türkiyəli iş adamı Rza Zərrabı oyuncağa çevirməyə qərar verən ABŞ-ın bu qərarı verdikdən sonra icra etdiyi “yol xəritəsi”nə dair hər gün yeni detallar ortaya çıxır.

“Milliyyət” nəşri yazır ki, Zərrabın həyat yoldaşı və uşağı ilə ABŞ-a getməsi (Zərrab 2016-cı il martında Florida ştatının Mayami şəhərinə həbs olunub –red.) də ABŞ tərəfindən Türkiyəyə qarşı qurulan oyunun bir hissəsi idi.

Zərrabın ABŞ-a gedişinin “YOL XƏRİTƏSİ”: Ailəsi necə qaçırıldı? – ŞOK DETALLAR

ABŞ-ın İrana qarşı tətbiq etdiyi maliyyə sanksiyalarını pozmaqda ittiham edilən azərbaycanlı iş adamı Rza Zərrabın ABŞ-la əldə etdiyi 7 səhifəlik razılaşmanın detalları ortaya çıxıb.

Razılaşmanın detalları Nyu-York Vəkillər Bürosunun üzvü Kortan Toygar tərəfindən “Milliyyət” nəşrinə açıqlanıb. Vəkilin sözlərinə görə, Zərrab razılaşma çərçivəsində aşağıdakı ittihamları qəbul edib.

Üzü dəyişdiriləcək və... - ABŞ-ın Zərrabla sövdələşməsinin ŞOK DETALLARI

Dekabrın 7-də Türkiyə prezidenti Rəcəb Tayyib Ərdoğan Afinaya səfər edib. Türkiyə prezidentinin yunan həmkarı Prokopis Pavlopulos və baş nazir Aleksis Çiprasla görüşlərindən sonra keçirilən mətbuat konfransları Lozanna müqaviləsi ilə bağlı mübahisələrlə yadda qalıb.

Afinada ikinci “LOZANNA QALMAQALI” - “Bu 11 ölkənin məsələsidir” - FOTO/VİDEO

Ərdoğan 94 illik müqavilənin üstündən XƏTT ÇƏKDİ - Afinada QALMAQAL - VİDEO

ABŞ Mərkəzi Kəşfiyyat Təşkilatının (MKİ) rəhbəri Maykl Pompeo Səudiyyə Ərəbistanı və İsrailin Yaxın Şərqdə birgə çalışdığını etiraf edib. MKİ başçısı bu haqda Kaliforniyada keçirilən Reyqan Milli Müdafiə Forumunda bildirib.

İsrail mətbuatının yazdığına görə, mümkün ittifaqda Təl-Əvivin payı Livanın hərbi və siyasi olaraq ən güclü qrupu olan “Hizbullah” təşkilatına qarşı keçirilən əməliyyatdan ibarət ola bilər.

Yeni ittifaq Yaxın Şərqi MƏHV EDƏCƏK – Savaş bu ÖLKƏYƏ KEÇİR

Türkiyə prezidenti Rəcəb Tayyib Ərdoğanın "Qüds müsəlmanların qırmızı cigisidir" istiqamətində açıqlamaları İsrail rəhbərliyində ciddi narazılıqlara səbəb olub. Ərdoğanın açıqlamasına cavab olaraq İsrail xarici işlər naziri Emanuel Nahson “Ərdoğan tanısa da, tanımasa da Qüds yəhudilərin 3 minillik, İsrailin isə 70 illik paytaxtıdır” deyib.

Ərdoğanın Qüds açıqlamasına İsraildən SƏRT REAKSİYA

Dekabrın 6-da ABŞ prezidenti Donald Tramp Qüdsü (Yerusəlim) İsrailin paytaxtı kimi tanıyıb. Onun sözlərinə görə, ABŞ Yaxın Şərqdə hər iki tərəfi qane edən sülh yolu ilə nizamlanmaya sadiqdir.

ABŞ prezidenti Amerikanın Tel-Əvivdəki səfirliyinin Qüdsə (Yerusəlim) köçürülməsi üzrə hazırlıqlara başlamaq barədə göstəriş verib.

"Dövlət Departamentinə Amerika səfirliyinin Tel-Əvivdən Yerusəlimə köçürülməsi üzrə hazırlıqlara başlamaq barədə göstəriş verirəm", — deyə Tramp bildirib.

"Amerika prezidenti Donald Trampın Qüdsü İsraliin paytaxtı kimi tanımağa dair qərarı "dəlilikdir", Fələstin İsrail ilə danışıqlarda ABŞ-ın vasitəçiliyindən imtina edir. Bunu Fələstin dövlətinin Rusiyadakı səfiri Əbdül Hafiz Nofəl deyib.

"Bu andan etibarən, biz fələstinlilər olaraq, sülh prosesinin irəliləməsi işində ABŞ-ın vasitəçilik missiyasından imtina edirik. Yeni dövr başlayır, biz ABŞ-ın bu mövqeyini tamamilə rədd edirik və hüquqlarımıza riayət olunmasına nail olmaq niyyətindəyik", — deyə o bildirib.

Eyni bəyanatı Fələstinin lideri Mahmud Abbas da verib.

“ABŞ Trampın bəyannaməsindən sonra sülh haqqında danışıqlarda daha vasitəçi ola bilməz”, - o bildirib.

ABŞ Konqresinin Nümayəndələr Palatası Fələstin əleyhinə olan qanun layihəsini təsdiqləyib. Yeni qanun layihəsinə əsasən İsrail tərəfindən cəzalandırılan və ya nəzarətə götürülən ailələrə ödənən 300 milyon dollarlıq yardımın verilməsi dayandırılıb.

Maraqlı məqam odur ki, yeni layihəyə bir müddət əvvəl Təl-Əvivdə fələstinli gənc tərəfindən bıçaqlanaraq öldürülən 29 yaşlı amerikalı tələbə Teylor Forsun adı verilib. Qanun layihəsində həmçinin Fələstinə yardım edən digər donor ölkələrə də anoloji addımın atılması məsləhət görülüb.

Qeyd edək ki, qanun layihəsi qüvvəyə Senat və Prezident Donald Tramp tərəfindən təsdiqləndikdən sonra minəcək.

ABŞ Prezidenti Donald Trampın Qüds qərarı ağır nəticələrə səbəb olacaq. Bu barədə bəyanatı HƏMAS hərəkatı yayıb.

“Trampın qərarı Qüdsün ərəb-müsəlman torpağı olması faktını dəyişməyəcək. ABŞ prezidenti bu qərarı ilə cəhənnəmin qapılarını Yaxın Şərqdə Vaşinqtonun üzünə açdı. Bu, axmaqlıqdır və zaman göstərəcək ki, bu qərardan sonra onlar uduzacaqlar”, - təşkilat bildirib.

“Qüdsün İsrailin paytaxtı kimi tanımaq bu bölgəni atəşin içinə atmaqdır”. Bunu Türkiyə prezidenti Rəcəb Tayyib Ərdoğan ABŞ prezidenti Donald Trampın Qüdsü İsrailin paytaxtı kimi tanımasını şərh edərkən deyib.

“ABŞ və İsraildən başqa…” - Ərdoğandan sərt QÜDS BƏYANATI

ABŞ prezidenti Donald Trampın dünən verdiyi bəyanatla Qüdsü İsrailin paytaxtı kimi tanıması bir anda dünyanın bir nömrəli mövzusuna çevrildi. Qərar ərəb və müsəlman dünyasında bomba effekti yaratdı və diqqətlə qarşılandı. Hazırda əsas sual Ağ Evin sahibinin belə bir addım atmasının səbəbləri ilə bağlıdır. Brokinqs İnstitutu ABŞ-ın Təl-Əvivdəki səfirliyinin Qüdsə köçürülməsi ilə bağlı araşdırma aparıb. Dekabrın 1-də dərc edilən nəticələrə görə, amerikalıların 63 faizi səfirliyin Qüdsə köçürülməsinə qarşı çıxır. Tramp daxili və xaricdə səslənən etirazlara baxmayaraq, bunda niyə təkid edir? Ehtimallara görə, bunun 4 səbəbi var.

Trampın Qüds qərarının 4 SƏBƏBİ

Amerikalı ekspertlər ABŞ prezidenti Donald Trampın Qüdsü İsrailin paytaxtı kimi tanımasını şərh ediblər.

Sivilizasiyaların toqquşması, üçüncü İNTİFADA... – Trampın Qüds qərarının DƏHŞƏTLİ NƏTİCƏLƏRİ

ABŞ prezidenti Donald Trampın Qüdsü İsrailin paytaxtı kimi tanıması Yaxın Şərqdə vəziyyəti gərginləşdirib. Fələstinin HƏMAS təşkilatının lideri İsmail Haniye ərəbləri yeni intifadaya (intifada fələstinlilərin İsrail işğalina qarşı başlatdığı müqavimətin adıdır –red.) çağırıb. O, Trampın “cəhənnəmə qapı açdığını” deyib.

AFP xəbər agentliyi isə İsrail ordusunun İordan çayının qərb sahilinə qoşun bölmələri göndərdiyini bildirib.

HƏMAS-dan müharibə ELANI - İsrail ordunu hərəkətə GƏTİRDİ

İraqdakı Əl-Nücəba şiə silahlı qruplaşması Trampın Qüds qərarından sonra şərt açıqlama verib. Qruplaşma qərarın İraqdakı ABŞ əsgərlərinə hücum etmək üçün əsaslı səbəb olduğunu bildirib.

“Trampın axmaq qərarı ABŞ qüvvələrini hədəf almaq üçün əsaslı bir səbəbdir və ümmətin canından bunları (İsrail) söküb tullamaq üçün böyük bir qığılcım olacaq”, - qruplaşma lideri Əkrəm əl-Kaabi deyib.

Qeyd edək ki, təxminən 10 min üzvü olan qruplaşma Haşdi-Şabi qruplaşması ilə ortaq maraqları təmsil edir.

“Qüdsün İsrailin paytaxtı kimi tanınması barədə ABŞ prezidenti Donald Trampın qərarı Vaşinqton üçün arzuolunmaz nəticələrə gətirib çıxara bilər”. Bu xəbərdarlığı ABŞ Konqresinin demokrat senatoru Şeldon Vitehuz edib.

Trampın qərarını sərt şəkildə tənqid edən senatorun sözlərinə görə, Qüdsün İsrailin paytaxtı kimi tanınması ABŞ-ın Türkiyə və Səudiyyə Ərəbistanı kimi ölkələrlə münasibətlərini poza bilər.

“Burada ən təhlükəli nöqtə Yaxın Şərqdə hərbi baxımdan hələ də asılı olduğumuz Türkiyə və bölgədəki ən yaxşı dostlarımızdan biri olduğu halda Ağ Evin əlaqələrdə davamlı şəkildə geriləməyə çalışdığı Səudiyyə Ərəbistanı ilə münasibətlərimizin pozulma ehtimalıdır. Türkiyə və Səudiyyə Ərəbistanı bu qərara etiraz olaraq bəzi addımlar atsa, ABŞ-ın bölgədəki təsir gücü zərər görə bilər”, - senator vurğulayıb.

Qüdsün İsrailin paytaxtı kimi tanınması barədə ABŞ prezidenti Donald Trampın qərarının arxasında amerikalı məşhur qumarxanalar şəbəkəsinin sahibi olan Şeldon Adelson dayanır.

Bu iddia ilə ABŞ-ın “Nyu-York Tayms” nəşri çıxış edib.

Nəşrin yazdığına görə, Tramp prezident seçkisi kampaniyası zamanı yəhudi lobbisinin liderlərinə Qüdsün İsrailin paytaxtı kimi tanıyacağına söz verib. “Nyu-York Tayms” Şeldon Adelson Trampdan belə bir vəd aldığını və bu vədi Amerika Sionist Təşkilatının prezidenti Morton Kleinə çatdırdığını yazıb.

Trampın Qüds qərarının arxasından qumarxanalar sahibi çıxdı - ŞOK İDDİA

Adelson hazırda rəsmi olaraq dünyanın ən varlı yəhudisi hesab edilir. 2014-cü ildə onun sərvəti 38 milyard dollar təşkil edib. Adelson Respublikaçılar Partiyasının daimi olaraq ən böyük donorlarından biridir. O, həmçinin, Buşun İraq siyasətinə və işğalına verdiyi dəstəyi ilə tanınır.

Adelsonun atası əslən Litvadan, anası isə Ukraynadan olan yəhudidir.

İsrail hakimiyyəti Qüdsdə 14 min yeni tikilinin inşasına başlanacağını elan edib. Məlumata görə, yeni tikiləcək 14 min binadan ən azı 6 mininin müsəlmanların məskunlaşdığı ərazilərdə salınacağı bildirilib.

İsrail Mənzil və İnşaat naziri Yoav Qolan tərəfindən təkmilləşdirilən layihənin bir parçası olaraq Qüdsün şimalında və Ramallahın kənarında 5 min ədəd, şərqi Qüdsdəki yəhudi məhəlləsi üçün isə min ədəd yeni mənzilin tikilməsi planlaşdırılıb.

Dekabrın 8-də cümə namazından sonra İordan çayının qərb sahilində və Qüdsdə “Məscid-i Əqsa” ətrafında fələstinlilərlə İsrail təhlükəsizlik gücləri arasında qarşıdurma baş verib. “Anadolu” agentliyi xəbər verir ki, Qüdsün İsrailin paytaxtı kimi tanınması barədə ABŞ prezidenti Donald Trampın qərarına etiraz edən fələstinlilərə qarşı İsrail təhlükəsizlik gücləri əsl güllələr və gözyaşardıcı qazdan istifadə edib.

Aksiya iştirakçıları “Komandiri Məhəmməd olan bir ümmət baş əyməz!”, “Qorxaq Tramp!”, “Qüds ərəblərindir!”, “ABŞ-a ölüm!” və “İlan ABŞ!” kimi şüarları səsləndirərək ABŞ-ın dövlət bayrağı və Trampın şəklini yandırıblar.

İsrail ordusu bir sıra yeni batalyonların “mümkün qarşıdurmalara hazırlıq” məqsədilə İordan çayının qərb sahilinə göndərildiyini açıqlayıb.

Qeyd edək ki, Trampın Qüdsü paytaxt kimi tanımasından sonra “Həmas” cümə gününü İsrailə qarşı “Qəzəb Cüməsi” elan edib. Hazırda İsrail və ABŞ-a qarşı etirazlar davam edir.

Vaşinqton Fələstin-İsrail probleminin həlli üçün “əsrin sazişi”ni bağlamaq istəyir. Rusiyanın xarici işlər naziri Sergey Lavrovun sözlərinə görə, bunu ABŞ-ın dövlət katibi Reks Tillerson onun görüşündə bildirib.

“Dövlət Administrasiyasının başçısı bildirdi ki, ABŞ Fələstin-İsrail problemini birdəfəlik həll edəcək əsrin sazişini bağlamaq istəyir”, - Lavrov deyib.

1300-ə yaxın İŞİD terrorçusunun Rakkadan çıxarılması prosesində qaranlıq qalan məqamların üstü açılır. Razılaşma ABŞ-ın İŞİD əleyhinə koalisiya üzrə xüsusi nümayəndəsi Brett Makgurkün birbaşa nəzarəti altında əldə edilib.

ABŞ-ın İŞİD-lə neft razılaşmasının şok detalları ORTAYA ÇIXDI

YPG terror təşkilatının rəhbər heyəti Suriyadakı Rusiya komandanları ilə görüşüb. Bu barədə informasiyanı “Yeni Şəfəq” qəzeti yayıb. Qəzet görüşün Deyr əz-Zor şəhərində baş tutduğunu bildirib. Görüşdə terror təşkilatının nümayəndə heyətinə YPG-nin sözçüsü Nuri Mahmud rəhbərlik edib. İŞİD-ə qarşı ortaq mübarizə aparılması barədə danışıqların aparıldığı iddia edilən toplantıda tərəflər arasında hansı razılıqların əldə olunması haqqında mətbuata açıqlama verilməyib.

Görüşdə iştirak edənlər arasında rusiyalı general da olub.

Qeyd edək ki, YPG PKK terror təşkilatının Suriya qanadı hesab edilir.

Suriyada İŞİD terror təşkilatının nəzarətində olan heç bir yaşayış məntəqəsi qalmayıb. Bunu Rusiyanın Müdafiə Nazirliyi bildirib.

Prezident Bəşər Əsədin Suriya ilə bağlı sülh müzakirələrində iştirakı olduqca önəmlidir. Bu sözləri ABŞ Dövlət katibi Reks Tillerson Brüsseldə çıxışı zamanı deyib.

“Suriya hökuməti nümayəndələrinin və Əsədin Cenevrə sülh müzakirələrinə qatılmasının önəmli olduğunu Rusiya tərəfinə bildirdik. Hakimiyyətdə olduğu müddətcə onun toplantılarda birbaşa iştirakı mühüm əhəmiyyət kəsb edir”, - Tillerson bildirib.

O əlavə edib ki, yalnız Rusiya Əsədi müzakirə masasına əyləşdirə bilər.

İraq İŞİD terror təşkilatı üzərində tam qələbəni elan edib. İraqın baş naziri Heydər əl-İbadi Suriya ilə bütün sərhəd üzərində nəzarətin bərpasından sonra İŞİD üzərində müharibənin qələbə ilə tamamlandığını bildirib.

“Bizim silahlı qüvvələrimiz İraq-Suriya sərhədi üzərində nəzarəti tamamilə bərpa edib. Bununla da İŞİD-ə qarşı müharibənin başa çatdığını elan edirik”, - baş nazir mətbuat konfransında deyib.

Husilər tərəf dəyişdirərək Səudiyyə Ərəbistanı ilə anlaşmağa çalışan devrilmiş lider Əli Abdullah Salehi noyabrın 4-də öldürüb. İranın “Tasnim” agentliyi isə eks-prezidentin Marib şəhərinə qaçmağa çalışarkən husilər tərəfindən öldürüldüyünü bildirib.

ABŞ, Rusiya, Qərb-Rusiya münasibətləri

Rusiyayla sərt danışıqlar aparılmalıdır. Bunu ABŞ prezidentinin milli təhlükəsizlik məsələləri üzrə köməkçisi Herbert Makmaster söyləyib.

Onun sözlərinə görə, ABŞ Rusiyaya Əsəd rejiminə dəstək verdiyi üçün sərt cavab verməlidir:

“Rusiyanın Suriya böhranının bir hissəsi olan vəhşi rejimə dəstək məsələsini Kremlin Avropadakı fəaliyyətləri ilə eyni səviyyəyə qaldırmaq lazımdır. Məhz Rusiyanın Əsədi dəstəkləməsi, bu böhranın həllini uzatdı, onun İran və Avropaya təsirinə səbəb oldu. Buna görə də Rusiya ilə sərt danışıqlar zamanı çatıb”.

ABŞ-ın Rusiyadakı səfirliyi dekabrın 11-dən Rusiya regionlarında viza verilişini təkrar başladacaq. Bu barədə informasiyanı ABŞ-ın Rusiyadakı səfirliyi yayıb. Vizaların verilişinə ABŞ-ın Sankt-Peterburq, Yekaterinburq və Vladivostokdakı konsulluqlarından başlanılacaq. Vizaların verilişi məhdud həcmdə olacaq.

Qeyd edək ki, ABŞ avqustun 23-dən Rusiya vətəndaşlarına qeyri-mühacir vizasının (müvəqqəti) verilişini dayandırmışdı.

Noyabrın 4-də Rusiya Federasiyası Prezidenti Vladimir Putin xarici agent funksiyasını yerinə yetirən xarici KİV-lərin reyestrinin aparılması üzrə səlahiyyətlərin Ədliyyə Nazirliyinə verilməsi haqqında fərman imzalayıb. Federasiya Şurasındakı mənbənin “Sputnik” agentliyinə verdiyi məlumata görə, “xarici agent” statusunu ABŞ-ın 9 KİV-a alacaq.

Putin Amerikanın 9 agentinin siyahısını verdi

Rusiya prezidenti Vladimir Putin 2018-ci ildə prezident seçkilərində iştirakını rəsmən elan edib. Putin bu haqda Nijni-Novqorodda “QAZ” avtomobil zavodunun işçiləri qarşısında çıxışı zamanı bildirib.

“Bəli, mən Rusiya Federasiyasının prezidenti postuna namizədliyimi irəli çəkəcəyəm”, - Putin deyib.

Qeyd edək ki, Rusiyada növbəti prezident seçkiləri 2018-ci ilin martında keçiriləcək.

“Avropada müharibə başlanacağı halda Baltikyanı ölkələr riskin zonasına düşəcək”. Bunu Rusiya prezidentliyinə namizəd, Liberal Demokrat Partiyasının lideri Vladimir Jirinovski “Sputnik” agentliyinə müsahibəsində bildirib.

“Amma çıxış yolu var: NATO qoşunlarını çıxarmaq və neytral statusu qəbul etmək”, - siyasətçi deyib.

Jirinovskinin sözlərinə görə, ərazisində ABŞ-ın hava hücumundan müdafiə sistemlərini yerləşdirən ölkələr böyük Avropa müharibəsi olacağı halda məhv edilə bilər.

Avropada müharibə olsa, bu ölkələr məhv ediləcək - Rusiya dəhşətli SSENARİNİ AÇIQLADI

ABŞ-ın fərdi sanksiyaları Rusiya prezidenti Vladimir Putinin yaxın ətrafını maliyyə baxımdan məhv edə bilər. Bu haqda Ukraynanın “Novaya Gazeta” nəşri yazıb.

Nəşrin yazdığına görə, ABŞ-da Rusiya oliqarxları və məmurlara qarşı fərdi sanksiyalar haqqında genişmiqyaslı məruzə elan ediləcəyi planlaşdırılır. “Kreml məruzəsi”nin müəllifləri onun gələcək fiqurantlarının aşağıdakı kateqoriyalarını təklif edirlər.

“Putinin dostları”na AĞIR ZƏRBƏ: Rusiyaya diz çökdürəcək PLANIN DETALLARI

“Rusiyaya qarşı sanksiyaların ləğvi Rusiya qoşunlarının Donbasdan çıxarılması və Krımın yenidən Ukraynaya qayıdışı ilə bağlıdır”. Bunu ABŞ-ın dövlət katibi Reks Tillerson ATƏT üzvü olan ölkələrin xarici işlər nazirləri Şurasının Vyanada keçirilən illik iclasında çıxış edərkən deyib.

Bu yaxınlarda isə Rusiyanın xarici işlər naziri Sergey Lavrov İtaliyanın “Libero” qəzetinə müsahibəsində Krım məsələsini “həmişəlik bağlanmış məsələ” adlandırıb.

Ukraynada böhranın nizama salınması məsələsi Moskva və Vaşinqton arasında münasibətlərin normallaşması prosesinə mane olur. Bunu ABŞ-ın dövlət katibi Reks Tillerson ATƏT üzvü olan ölkələrin xarici işlər nazirləri Şurasının Vyanada keçirilən illik iclasında deyib.

Tillerson əlavə edib ki, Rusiya və Birləşmiş Ştatlar arasında başqa regionlarda da, məsələn Suriyada fikir ayrılıqları ola bilər.

“Amma bir ölkə başqasının ərazisinə (Rusiyanın Ukraynaya müdaxiləsindən söhbət gedir –red.) soxulursa, bu zaman yaranan fikir ayrılığını aradan qaldırmaq çətindir”, - dövlət katibi bildirib.

ABŞ prezidenti Donald Tramp Rusiyanın yaxın və orta mənzilli raketlərin ləğv olunması barədə müqaviləyə əməl etməməsi səbəbindən bu ölkəyə qarşı yeni sanksiyaları təsdiqləyib. ABŞ Ticarət Nazirliyi yeni raket texnologiyalarının işlənib hazırlanması ilə məşğul olan Rusiya şirkətlərinə qarşı sanksiyalar tətbiq edəcək.

Koreya böhranı

Noyabrın 4-də Vaşinqton və Seul 2017-ci ildə 20-yə qədər raket sınağı keçirən Şimali Koreyaya gözdağı vermək üçün genişmiqyaslı hərbi təlimə başlayıb. 200-dən çox təyyarə və 12 min hərbçinin iştirak etdiyi təlimə həmçinin nüvə başlıqları daşıya bilən B-1B strateji bombarmançıları və 6 ədəd gözəgörünməz “F-22” qırıcıları da cəlb olunub. “Vigilant ACE” adı altında keçirilən təlim 5 gün davam edəcək.

Cənubi Koreya Müdafiə Nazirliyinin bəyanatına görə, təlimin keçirilməsində əsas məqsəd rəsmi Vaşinqton və Seulun hərbi qüvvələrinin Şimali Koreya təxribatlarına qarşı gücünü nümayiş etdirməkdir.

ABŞ və Cənubi Koreyanın Koreya yarımadası ətrafında birgə hərbi təlimə başlaması regionda müharibəyə gətirib çıxara bilər.

Yaxın 5 gün ərzində BAŞLAYA BİLƏR - III Dünya müharibəsi XƏBƏRDARLIĞI

“Koreya Xalq Demokratik Respublikası müharibəyə cəhd etmir, eyni zamanda müharibədən çəkinməyəcək”. Bu haqda Şimali Koreya Xarici İşlər Nazirliyinin nümayəndəsinin bəyanatında deyilir.

“Müharibə mütləq başlayacaq!” - ABŞ-a MEYDAN OXUDU

Cənubi Koreya Koreya Xalq Demokratik Respublikasının lideri Kim Çen Inın öldürülməsi üçün xüsusi təyinatlı dəstə yaradacaq. Bu barədə "Kommersant'" nəşri məlumat yayıb.

Kim Çen Inı öldürmək üçün xüsusi dəstə - Büdcədən pul da ayrıldı

ABŞ və Koreya Xalq Demokratik Respublikası (KXDR) arasında müharibə Rusiyanı biabırçılıqdan xilas edə bilər. Rusiya KİV-inin yazdığına görə, 2018-ci il Qış Olimpiya Oyunlarının Koreya yarımadasındakı münaqişə üzündən keçirilməməsi yüksək ehtimal kimi qiymətləndirilir.

Məsələ bundadır ki, Beynəlxalq Olimpiya Komitəsinin (BOK) dekabrın 6-da İsveçrənin Lozanna şəhərində keçirilən toplantısında qəbul etdiyi qərarla Rusiyanı 2018-ci il Qış Olimpiya Oyunlarından kənarlaşdırıb. Rusiyalı idmançılar dopinqdən istifadədə günahlandırılırlar. Onlar Cənubi Koreyanın Pxençxan şəhərində keçiriləcək beynəlxalq tədbirdə neytral bayraq altında çıxış edə biləcəklər.

Şimal qonşumuzda hesab edirlər ki, Koreya yarımadasında hərbi münaqişə başlayarsa, Rusiya biabırçılıqdan qaça biləcək. Hadisələrin belə ssenarisinin ehtimalı isə hər gün artır.

Bu müharibə Rusiyanı biabırçılıqdan XİLAS EDƏCƏK - ABŞ-ın məxfi planı ORTAYA ÇIXDI

Ukrayna

“Vaşinqton Kiyevə dəstəyini saxlayır, amma bu, əbədi deyil”. Bunu ABŞ-ın Avropadakı quru qoşunlarının komandanı, general-leytenant Ben Hodces “Ukraynskaya Pravda” nəşrinə müsahibəsində deyib.

Generalın sözlərinə görə, Qərb partnyorları Ukraynanın islahatlar yolu üzrə hərəkətinə davam etmədiyini görərsə, Kiyev dəstəyi itirəcək.

Gürcüstanın keçmiş prezidenti, Odessa vilayətinin keçmiş qubernatoru Mixail Saakaşvili dekabrın 5-də Kiyevdə yaşadığı binanın damına çıxaraq intihara cəhd edib.

Saakaşvili saxlanıldı, Kiyevdə ara qarışdı - FOTO/VİDEO (YENİLƏNDİ)

Təhlükəsizlik gücləri tərəfindən saxlanılan Mixail Saakaşvili tərəfdarlarının köməyilə azad edilib. Daha sonra Saakaşvili öz tərəfdarlarını küçələrə çıxmağa və prezident Pyotr Poroşenko ilə onun ətrafına qarşı çıxış etməyə çağırıb.

Saakaşvilini xalqı inqilaba ÇAĞIRDI: "Ukraynanı Əhmədovdan azad etməliyik" - CANLI YAYIM

Gürcüstanın sabiq prezidenti Mixail Saakaşvili cinayətkar təşkilatların iştirakçılarına kömək etməkdə və onların cinayətkar fəaliyyətinin gizlədilməsində şübhəli bilinir. Bu haqda Ukrayna Təhlükəsizlik Xidməti bildirib. Siyasətçinin vəkili isə “Ukraynskaya Pravda” internet nəşrinə bildirb ki, Gürcüstanın sabiq prezidenti dövlət çevrilişinə kömək etməkdə şübhəli sayılır.

Mixail Saakaşvilinin ətrafı Rusiyadan 500 min dollara yaxın pul alıb. Bunu jurnalistlərə açıqlamasında Ukraynanın Baş prokuroru Yuri Lutsenko söyləyib. Onun sözlərinə görə, bu pullar mitinqlərin maliyyələşdirilməsinə xərclənməli idi.

O, bu mitinqlərin hədəfinin Ukraynada dövlət çevrilişi olduğunu bildirib:

“Saakaşvili pulları eks-prezidenti Viktor Yanukoviçin adamı olan biznesmen Sergey Kurçenkodan öz partiyasının Kiyev şöbəsinin rəhbəri Severion Danqadze vasitəsilə alıb. Danqadze dünən həbs edilib. Bizim audio və video sübutlarımız var. Kurçenko Rusiya Federal Təhlükəsizlik Xidməti ilə sıx bağlı olub”.

Mixail Saakaşvili dekabrın 8-də Ukrayna Təhlükəsizlik Xidməti tərəfindən saxlanılıb. “Qərara əsasən, Kiyevin Otradnaya qəsəbəsində Saakaşvilinin yeri müəyyən edilib və o, polis əməkdaşları tərəfindən saxlanılıb. Saakaşvili müvəqqəti təcridxanada yerləşdirilib”, - Ukraynanın Baş prokuroru Yuriuçenko bildirib.

İstintaq hərəkətlərinin tamamlanmasından sonra, Ukrayna Baş prokurorluğunun mətbuat katibi Larisa Sarqan bildirdi ki, prokurorluq məhkəmədən Saakaşvili üçün ev həbsi şəklində ehtiyat tədbirinin seçilməsini xahiş edəcək.

Xatırladaq ki, Ukrayna Baş prokurorluğu dekabrın 6-da Saakaşvilinin axtarışını elan edib. Keçmiş prezident cinayətkar təşkilatların iştirakçılarına kömək etməkdə və onların cinayətkar fəaliyyətinin gizlədilməsində ittiham olunur.

“Ukrayna Təhlükəsizlik Xidmətinə Kiyevin küçələrində sakitliyə və Kiyevdə “rus qışı” üzrə Moskvanın planının neytrallaşdırılmasına görə təşəkkür etmək lazımdır”. Bu haqda Ukraynanın baş prokuroru Yuri Lusenko brifinqdə bildirib.

“Rusiya Federal Təhlükəsizlik Xidmətinin himayəsi altında hərəkət edən bir neçə min insan noyabr ayında Yanukoviç (Ukraynanın keçmiş prezidenti –red.) və Kurçenkonun (biznesmen Sergey Kurçenko – red.) hesabına Ali Radanın binasının tutulmasını planlaşdırırdılar. Ora Saakaşvilinin (Ukraynanın Odessa vilayətinin keçmiş qubernatoru, Gürcüstanın keçmiş prezidenti – red.) daxil edilməsi, hətta silahlardan istifadə planlardan biri idi”, - baş prokuror deyib.

Ömər Dağlı