Səkkiz maddəlik “YOL XƏRİTƏSİ”, 2016-cı ildə Qarabağ ətrafındakı 5 RAYON... – HƏFTƏNİN SİYASİ XÜLASƏSİ

Moskvada MDB-yə üzv dövlətlərin liderlərinin qeyri-rəsmi görüşü keçirilib. Aleksandr Duqin Dağlıq Qarabağ ətrafındakı beş rayonun Azərbaycana qaytarılmalı olduğunu bildirib. S-400 zenit-raket sistemlərinin Türkiyəyə çatdırılması barədə Türkiyə və Rusiya arasında müqavilə Ankarada imzalanıb. ABŞ və İsrail İrana qarşı əməkdaşlıq haqqında məxfi razılaşma bağlayıb. ABŞ prezidenti Donald Trampın administrasiyası “Kreml məruzəsi” üzərində işləyir. ABŞ “Yeni Suriya Ordusu”("Ceyş əl Suriya əl Cədid") adı verilən yeni təşkilat qurub. Suriya müxalifəti Suriya Milli Dialoq Konqresində iştirakdan imtina edib. ABŞ Fələstin rəhbərliyinə qarşı maliyyə və siyasi məhdudiyyətlər tətbiq etməyi planlaşdırır. Ukraynanın şərqində əsirlərin genişmiqyaslı mübadiləsi həyata keçirilib.

Azərbaycan, Dağlıq Qarabağ

Dekabrın 26-da Moskvada MDB-yə üzv dövlətlərin liderlərinin qeyri-rəsmi görüşü keçirilib. Görüşdə 2017-ci ildə MDB-də Rusiyanın sədrliyinin yekunları müzakirə edilib, həmçinin, müxtəlif sahələr üzrə əməkdaşlığın inkişaf etdirilməsi haqda fikir mübadiləsi aparılıb.

Azərbaycan Prezidenti İlham Əliyev görüşdə iştirak edib.

İlham Əliyev: "Rusiya birliyin əsas dövlətidir" - YENİLƏNDİ FOTOLAR

Dekabrın 25-i günorta saatlarında cəbhənin Ağdam istiqamətində Silahlı Qüvvələrimizin mövqeləri üzərində kəşfiyyat uçuşları həyata keçirməyə cəhd göstərən Ermənistan silahlı qüvvələrinə məxsus PUA məhv edilib. Bu barədə Azərbaycan Müdafiə Nazirliyindən məlumat verilib.

“2018-ci il həm çoxqütblü dünyanın yaradılması, həm də bu münaqişənin həlli planı baxımından həlledici olmalıdır. İlk növbədə, müəyyən mənada Azərbaycanın potensialını tam açmasına mane olan Qarabağ məsələsini həll etmək lazımdır”.

Bunu "Report"un Rusiya bürosuna açıqlamasında Beynəlxalq Avrasiya Hərəkatının sədri, Rusiyanın ictimai-siyasi xadimi və politoloq Aleksandr Duqin bildirib.

Onun sözlərinə görə, Dağlıq Qarabağ ətrafındakı beş rayonun Azərbaycana verilməsi barədə qərar 2016-cı ildə razılaşdırılıb: “Bu həllin nəzəri paradiqması onun münaqişə tərəflərinin hamısını və digər regional gücləri, hətta Qərbi belə razı salmasıdır. Serj Sarqsyan isə hər dəfə bu sazişlərin həyata keçirilməsi prosesinə mane olur".

Duqin qeyd edib ki, Ermənistan Rusiyanın müttəfiqi olsa da, Ermənistan kimi lokal təsisat naminə qlobal geosiyasi maraqları qurban verilə bilməz.

“Lakin digər tərəfdən, Ermənistan Türkiyə və Azərbaycan ilə münasibətlərimizdə maneə ola bilməz. Hamı anlamalıdır ki, geosiyasətdə ərazi mübahisələrindən də daha böyük dəyərə malik məsələlər var", - A.Duqin bildirib.

Gələn il Azərbaycan və Ermənistanda prezident seçkilərinin keçiriləcəyini xatırladan A.Duqin bu beş rayonun qaytarılmasının tarixi dəyərinin hansısa seçki yarışmasından xeyli çox olduğunu qeyd edib.

Onun sözlərinə görə, münaqişənin həllinin gecikdiriləcəyi təqdirdə, vəziyyət geri qaytarılması mümkün olmayacaq dərəcədə pozula və kəskinləşə bilər: "Ona görə də 2018-ci ildə bu beş rayonun Azərbaycana qaytarılmasının zəruri olduğunu hesab edirəm. Əks halda, göstərilən səylər və danışıqlar prosesində əldə olunan bütün nailiyyətlər əhəmiyyətini itirər. Bu, Rusiya üçün də üzücü və məyusedici olacaq. Çünki bütün bunlar Azərbaycanla davam edən yaxınlaşmaya, Qafqazda, Xəzər dənizi regionunda və Yaxın Şərqdə birgə siyasət yürüdülməsinə təsir edə bilər. O zaman münaqişənin sülh yolu ilə nizamlanması prosesindəki səylərimiz kənardan gülünc görünəcək və buna görə də bu razılaşmaların həyata keçirilməsi üçün maksimum səy göstərməliyik".

“2018-ci ildə Dağlıq Qarabağ münaqişəsi alovlana bilər. Lakin dünyadakı digər münaqişələrlə müqayisədə, Qarabağda müharibənin başlaması 20 faiz ehtimaldır”. Bu barədə ukraynalı politoloq Aleksandr Çaçiya deyib.

Lakin politoloq hesab edir ki, ABŞ Rusiyanın ətrafında gərginlik nöqtələrini yandırmaq gedişləri edəcək: “Bu baxımdan, tammiqyaslı toqquşma olmasa da, silahlar işə düşəcək. Digər tərəfdən, Ermənistanın Rusiyadan qopardılması üçün “narıncı inqilab” ssenariləri də işə düşə bilər”.

Ermənistan

Ermənistan ordusunun baş qərargah rəisi Movses Akopyanın ötən həftə dediyi sözlər işğalçı ölkədə qarışıqlıq yaradıb. Erməni siyasi şərhi Tevos Arşakyan yazır ki, rəsmi İrəvan “aprel müharibəsi”ndə məğlubiyyətinə bəraət qazandırmaq gedişi edir.

Erməni generallardan Lələtəpə ilə bağlı ŞOK GEDİŞ: "Azərbaycan zabitləri hər gün..."

Donald Tramp Administrasiyası 2018-ci ilin yanvar ayının sonuna kimi Konqresə “Kreml məruzəsi”ni təqdim edəcək. Ağ Ev Putin hakimiyyətində təmsil olunan məmurları və Kremlə yaxın biznesmenlərə qarşı sanksiyalar tətbiq etməyi planlaşdırır.

Ermənistan hakimiyyəti bu sanksiyaların onlara da təsir göstərəcəyindən narahatdırlar.

“1in.am” saytı yazır ki, ABŞ-ın Rusiyaya qarşı sanksiyaları Ermənistan hakimiyyətini ciddi zərbə altında qoyacaq.

Bir ay sonra Ermənistana ağır zərbə vurulacaq - Trampın YENİ PLANI

Türkiyə, İran, Yaxın Şərq

Dekabrın 28-də ABŞ-la Türkiyə arasında viza böhranı həll edilib. ABŞ-ın Türkiyədəki səfirliyindən bildirilib ki, Türkiyə vətəndaşlarının viza müraciətləri ilə bağlı məhdudiyyətlər aradan qaldırıb:

“Türkiyə hökuməti aparılan danışıqlara sadiq qaldı”.

Xatırladaq ki, ABŞ-ın İstanbuldakı Baş Konsulluğunun əməkdaşı Metin Topuzun FETÖ ilə əlbir olmaqda təqsirli bilinərək həbs edilməsi ilə əlaqədar ABŞ-ın Türkiyədəki səfirliyi oktyabrın 8-də Türkiyə vətəndaşlarına viza verilməsini dayandırıb. Buna cavab olaraq oktyabrın 9-da Türkiyənin ABŞ-dakı səfirliyi ABŞ vətəndaşlarına viza verilməsini dayandırıb.

PKK terror təşkilatının yüksək rütbəli hərbi komandirlərindən olan Siyabend Velad ABŞ-dan aldıqları son təlimatı açıqlayıb. Terror təşkilatının media qurumu ANF-ə danışan Velad ABŞ Müdafiə Nazirliyinin (Pentaqon) onlara “Türkiyə ilə sərhəddə 100 min nəfərlik ordu qurun, bütün gücümüzlə yanınızdayıq” dediyini söyləyib.

“İŞİD-lə mübarizədə qazandığımız təcrübəni Türkiyəyə qarşı istifadə edəcəyik”, - Velad Türkiyəni təhdid edib.

“Ərdoğan hədəflərinə çatmayacaq!” - 100 nəfərlik ordunun Türkiyəyə qarşı QORXUNC PLANI

S-400 zenit-raket sistemlərinin Türkiyəyə çatdırılması barədə Türkiyə və Rusiya arasında müqavilə Ankarada imzalanıb. Qeyd edək ki, Rusiyanın müdafiə sənayesi şirkəti olan “Rostex”in baş direktoru Sergey Çemezov S-400-lərin 2019-ci ilin sonunda Türkiyəyə göndəriləcəyini ötən həftə açıqlamışdı. O həmçinin qeyd edib ki, Türkiyəyə dəyəri 2,5 milyard dollar olan 4 divizion S-400 zenit-raket kompleksi çatdırılacaq.

Türkiyə ilə Rusiya arasında əldə edilən “S-400” havadan müdafiə sistemi razılaşması NATO tərəfindən yaxından izlənilir. Bu barədə NATO-lu bir səlahiyyətli deyib.

Onun sözlərinə görə, NATO-nun narahatlığı sistemlərin hərbi alyansın müdafiə sisteminə inteqrasiya olunmasının çətinliyi ilə bağlıdır.

NATO-dan “S-400” açıqlaması

ABŞ-ın silah istehsalı ilə məşğul olan "Rayseon" şirkəti 10 ölkə ilə müqavilə bağlayıb. Müqaviləyə əsasən, şirkət həmin ölkələrə AMRAAN raketlərini satacaq.

Razılaşmada adları çəkilən ölkələr Türkiyə, Yaponiya, Cənubi Koreya, Mərakeş, Polşa, İndoneziya, Rumıniya, İspaniya, Bəhreyn və Qətərdir.

Qeyd edək ki, 1980-cı illərin sonundan istehsala başlanan raket ən öldürücü silah kimi tarixə düşüb.

Dekabrın 27-də Türkiyənin baş naziri Binəli Yıldırım Səudiyyə Ərəbistanında rəsmi səfərə gedib. Binəli Yıldırım paytaxt Ər-Riyadda Səudiyyə kralı Salman bin Əbdüləzizlə görüşüb.

“Bəşər Əsəd dövlət terroru əsdirən terrorçudur”. Bunu Türkiyə prezidenti Rəcəb Tayyib Ərdoğan Tunis səfəri zamanı həmkarı Beji Kaid əs-Sebsi ilə keçirdiyi görüşdən sonra keçirilən mətbuat konfransında deyib.

Türkiyə liderinin sözlərinə görə, Suriyada daha Bəşər Əsədlə yola davam etmək mümkün deyil.

Brüssel Ukrayna və Türkiyə ilə münasibətlərini yeni model əsasında qura bilər. Bunu “Funke” media qrupuna müsahibəsində Almaniya Xarici İşlər naziri Ziqmar Qabriel söyləyib.

“Əgər biz Britaniya ilə məntiqli razılaşma hazırlaya bilsək, o, digər ölkələrə də nümunə olacaq. Bu sistem Ukrayna və Türkiyəyə tətbiq oluna bilər. Yaxın illərdə bu ölkələr Avropa Birliyinin üzvləri olmayacaq. Buna görə də biz əməkdaşlıq üçün alternativlər barədə düşünməliyik”, – deyə o bildirib.

“Əl-Qaidə” beynəlxalq terror qruplaşmasının dünyanın 80-dən çox ölkəsində gizli bölmələri var. Bunu “Arqumentı i faktı” nəşrinə müsahibəsində Rusiya Təhlükəsizlik Şurasının katibi Nikolay Patruşev bildirib.

“Terrorçuların başçıları anlayırlar ki, əvvəlki hökmranlıq zonalarında onları ölüm gözləyir. Buna görə də taktikanı dəyişdirməyə başladılar. Radikal ideologiyanın geniş yayılması üçün dünyanın müxtəlif ölkələrində gizli terror qrupları hazırlanır. Müxtəlif qiymətləndirmələrə görə, yalnız “Əl-Qaidə” dünyanın 80-dən çox ölkəsində, həmçinin ABŞ və Kanadada gizli qruplara malikdir”, - Patruşev deyib.

Rusiya Suriyanın Tartus və Xmeymim bazalarında hərbi qulluqçularının daimi qruplaşmasının formalaşdırılmasına başlayıb. Bu haqda Rusiyanın müdafiə naziri Sergey Şoyqu bildirib.

“Keçən həftə Ali Baş Komandan (Rusiya prezidenti Vladimir Putin –red.) Tartus və Xmeymimdəki hərbi bazaların strukturu və ştatlarını təsdiq etdi. Biz bu bazalarda daimi qruplaşmaları formalaşdırmağa başladıq”, - nazir deyib.

Qeyd edək ki, bu gün Rusiya Federasiya Şurası Tartusda Rusiyanın Hərbi-Dəniz Donanmasının genişləndirilməsi haqqında Suriya-Rusiya razılaşmasını təsdiqləyib. Razılaşma Dövlət Dumasında dekabrın 21-də təsdiqlənmişdi.

Suriya müxalifəti Suriya Milli Dialoq Konqresində iştirakdan imtina edib. Müxalifətin bəyanatına Suriyadakı 40 fərqli qruplaşma imza atıb.

Qeyd edək ki, konqresin gələn ilin 29 yanvar tarixində Rusiyanın Soçi şəhərində keçirilməsi planlaşdırılır.

Amerika Birləşmiş Ştatları “Yeni Suriya Ordusu”("Ceyş əl Suriya əl Cədid") adı verilən yeni təşkilat qurub. Təşkilat üçün artıq Haseki və Deyr əz-Zor şəhərlərində 3 düşərgə salınıb.

2018-ci ildə gözlənilirdi, amma… - ABŞ dərhal hərəkətə keçdi

Pentaqon Suriya və İraq ərazisində hələ də mövcud olan İŞİD terrorçuarının sayı barədə rəsmi açıqlama verib. “Son məlumatlara görə, Suriya və İraqda hələ də minə yaxın İŞİD terrorçusu var”, - ABŞ-ın İŞİD-ə qarşı koalisiyasının sözçüsü Rayan Dillon deyib.

Birləşmiş Ştatlar Suriyadakı bazalarından birindən terrorçuların hazırlığı üçün istifadə edir. Bunu Rusiya Silahlı qüvvələrinin Baş qərargahının başçısı Valeri Gerasimov “Komsomolskaya Pravda” nəşrinə müsahibəsində danışıb.

Generalın sözlərinə görə, bu barədə informasiyalar kəşfiyyat tərəfindən əldə edilib. O qeyd edib ki, söhbət Xüms əyalətindəki Et-Tanf bazasından gedir.

Suriyada müharibə hələ indi BAŞLAYIR - Moskva ABŞ-ın planını AÇIQLADI

“Ən-Nüsra” Cəbhəsinin dağıdılması İŞİD-ə həlledici zərbədən sonra Suriyada terrorçuluğa qarşı əsas məsələdir. Bu haqda Rusiyanın Xarici İşlər Nazirliyinin başçısı Sergey Lavrov “Suriya sabah” müxalifət hərəkatının lideri Əhməd Carboyla görüşdə deyib.

Yeni cəbhə açılır - Lavrovdan BƏYANAT

Suriya ordusu Türkiyə, Rusiya və İranın Astana formatı çərçivəsində aparılan danışıqlarda təhlükəsizlik bölgəsi elan edilən ərazilərə hücumları artırıb. Rejim İdlib şəhərində təhlükəsizliyi təmin edəcək Türkiyə ordusu üçün ən önəmli nöqtələr olar Taftenaz və Əbu əd-Duhur aerodromlarına istiqamətlənib.

“Mehmetcik” qanlı savaşın BİR ADDIMLIĞINDA - Bombardman BAŞLADI

Cenevrə danışıqları sonda Suriyanın Bəşər Əsəd və ailəsindən xilas olmasına gətirib çıxaracaq. Bunu jurnalistlərə açıqlamasında ABŞ Dövlət katibi Reks Tillerson söyləyib.

“Ümid edirik ki, Rusiya Cenevrə prosesinə əməl edəcək. Biz əminik ki, bu prosesin sonunda Suriya Bəşər Əsəd və ailəsindən xilas olacaq”, – deyə o bildirib.

“Rusiya əsgərlərinin Suriyadan çəkilməsi Rusiya prezidenti Vladimir Putinin Suriyadakı hərbi əməliyyatın başa çatdığını göstərməsi baxımından çox əhəmiyyətli bir addımdır”. Bunu “Beynəlxalq Avrasiya hərəkatı”nın rəhbəri, politoloq, Kremlin ideoloqu hesab edilən Aleksandr Duqin Türkiyənin “Aydınlıq” qəzetinə müsahibəsində deyib.

“Bir-biri ilə döyüşərək...” - Kremlin ideoloqu Ərdoğan və Putinin PLANINI ELAN ETDİ

ABŞ prezidenti Donald Tramp Fələstin-İsrail danışıqlarında ABŞ-ın vasitəçilik missiyasının bitdiyini elan edən Fələstin lideri Mahmud Abbasa qarşı hərəkətə keçir. Bu haqda İsrail kəşfiyyatına yaxınlığı ilə tanınan “Debka” portalı yazıb.

Portalın yazdığına görə, ABŞ Fələstin rəhbərliyinə qarşı maliyyə və siyasi məhdudiyyətlər tətbiq edəcək.

Trampdan Fələstinə qarşı növbəti addım - 8 maddəlik “YOL XƏRİTƏSİ”

“HƏMAS-a ABŞ-ın fələstinli səlahiyyətlilərə Qüds yaxınlığındakı Əbu Deys şəhərinin paytaxt verilməsi barədə təklif verəcəyinə dair məlumatlar çatıb”. Bu haqda Fələstinin HƏMAS təşkilatının Siyasi Bürosunun sədri İsmail Hәniyyә deyib.

Onun sözlərinə görə, təklifdə qeyd olunub ki, bu şəhər bir körpü vasitəsilə Qüdsdəki Məscid-i Əqsaya bağlanacaq.

Şərqi Qüds əvəzinə yeni PAYTAXT - ABŞ-dan Fələstinə ŞOK TƏKLİF

İran parlamenti Qüdsün Fələstinin daimi paytaxtı olması ilə bağlı qanun layihəsini qəbul edib. Bu barədə İran parlamentinin rəsmi orqanı olan İCANA informasiya yayıb.

Məlumata görə, qanun layihəsinin əleyhinə heç bir millət vəkili səs verməyib və 207 səslə qəbul edilib.

ABŞ bundan sonra da İranla nüvə proqramı barədə razılaşmanın çatışmazlıqlarının aradan qaldırılması istiqamətində çalışacaq. Bunu ABŞ-ın dövlət katibi Reks Tillersonun “Nyu York Tayms” qəzetində dərc olunan məqaləsində yer alıb.

“ABŞ bundan sonra özünün Yaxın Şərqdəki müttəfiqləri ilə alyansları bərpa etmək niyyətindəyik. Biz müttəfiqlərimiz və Konqreslə birgə işləməyi davam etdirərək, nüvə razılaşmasının çatışmazlıqlarının ortadan qaldırılması üçün yollar axtaracağıq. Bununla bərabər, müttəfiqlərimizlə səylərimizi birləşdirib, İranı ballistik raketlərin hazırlanması proqramı ilə bağlı üzərinə götürdüyü öhdəlikləri pozduğuna və regionda pozuculuq fəaliyyətlərinə görə cəzalandıracağıq”, - o deyib.

ABŞ və İsrail İrana qarşı əməkdaşlıq haqqında məxfi razılaşma bağlayıb. Bu haqda İsrailin “Channel 10 News” telekanalına istinadən “İnterfaks-Ukrayna” agentliyi bildirib.

Tərəflər cari ilin dekabrın 12-də Vaşinqtonda razılığa gəliblər. Xəbərə görə, razılaşmanın əsas hədəfi İranın raket-nüvə proqramının reallaşmasının və Tehranın regionda aktivləşməsinin qarşısını almaqdır.

Razılaşmaya əsasən, 4 qrup yaradılıb.

ABŞ və İsrail arasında İrana qarşı MƏXFİ SAZİŞ

ABŞ Deyr əz-Zor əyalətindən İŞİD liderlərini Suriyanın şimal-şərqində yerləşən Haseke şəhərinə evakuasiya edib. Suriyanın rəsmi SANA agentliyinin məlumatına görə, ABŞ-ın dəstəklədiyi Suriya Demokratik Qüvvələrinə sığınan İŞİD liderləri helikopterlə evakuasiya ediliblər.

Qeyd edək ki, bir qədər əvvəl Mayadin şəhərinin sakinləri Suriya ordusunun şəhəri azad etmək üçün əməliyyata başlamasına az qalmış İŞİD liderlərinin ABŞ helikopterləri ilə ərazidən uzaqlaşdırıldığını bildirmişdi.

“2018-ci ildə dünyada üç müharibə başlaya bilər”. Bunu Ukraynanın “Obozrevatel” nəşrində dərc etdiyi yazısında ABŞ-da yaşayan tarix elmləri doktoru, politoloq Yuri Felştinski bildirib.

Bundan başqa, politoloq hesab edir ki, dünya xəritəsində yeni dövlət meydana çıxa bilər və bu, Türkiyədə sabitliyi pozacaq.

Üç müharibə və yeni dövlət - 2018-ci il üçün PROQNOZ

Rusiya, ABŞ, Qərb-Rusiya münasibətləri

“IHS Jane” konsaltinq firmasının illik icmalında verilən proqnozlara görə, 2018-ci ildə Avropa dövlətlərinin müdafiəyə ayrılan məcmu xərcləri “soyuq müharibə” dövründən sonra ən yüksək həddə olacaq. Şərqi Avropa ölkələrində müdafiə büdcəsinin daha sürətlə artacağı gözlənilir.

“National Interest” portalı xəbər verir ki, Şərqi Avropa ölkələri arasında müdafiə büdcəsinin artımına görə birinci cərgədə Baltiya ölkələridir.

Hərbi xərclər “soyuq müharibə” dövründən sonra ən yüksək həddə olacaq

Rusiya Mərkəzi Seçki Komissiyası (MSK) hazırkı prezident Vladimir Putin və televiziya aparıcısı Kseniya Sobçaka seçki fondunun yaradılması üçün xüsusi bank hesabını açmağa icazə verilib. MSK daha əvvəl Rusiya Liberal Demokrat Partiyasının sədri Vladimir Jirinovskinin müraciətini müsbət qiymətləndirib.

MSK daha əvvəl müxalifət lideri Aleksey Navalnının namizədliyini qeydə almaqdan imtina edib.

Qeyd edək ki, Rusiyada prezident seçkiləri 2018-ci il martın 18-də keçiriləcək

Rusiyanın ölkə xaricində hərbi baza yaratmaq arzusu yoxdur. Bu barədə Rusiyanın Xarici İşlər naziri Sergey Lavrov danışıb.

“Bir sıra ölkələrdən fərqli olaraq, biz hərbi ekspansiya tərəfdarı deyilik. Güc proyeksiyası adı altında xaricdə, o cümlədən Latın Amerikası ölkələrində hərbi bazalar yaratmaq bizim üçün əsas hədəf deyil”, - Lavrov deyib.

Lavrov həmçinin NATO-nun hərbi potensialını Rusiya sərhədləri yaxınlığında artırmasının narahatlıq doğurduğunu bildirib.

“Vaşinqtonda rusofob isteriyası artıq paranoidal (həddindən artıq narahatlıq və ya qorxuyla xarakterizə edilən, tez-tez məntiqsiz şiddət bildirən bir narahatlıqdır - red.) xarakter kəsb edib”. Bunu “RİA-Novosti” agentliyinə müsahibəsində Rusiyanın Xarici İşlər Nazirliyinin başçısı Sergey Lavrov bildirb.

Onun sözlərinə görə, rusofob isteriyası Rusiya və ABŞ-ın əhəmiyyətli istiqamətlər üzrə əməkdaşlığının inkişafına imkan vermir, həmçinin dünyada əlavə gərginliyi təhrik edir.

Rusiya Xarici İşlər Nazirliyinin rəsmi nümayəndəsi Mariya Zaxarova ABŞ Dövlət Departamentinin Rusiya Mərkəzi Seçki Komissiyasının müxalifətçi Aleksey Navalnının prezident seçkilərində namizədliyini qeydiyyatda almaqdan imtina etməsi ilə bağlı qərarı haqqında fikirlərini Rusiyanın daxili işlərinə və seçki prosesinə birbaşa müdaxilə adlandırıb.

Dövlət Departamentinin nümayəndəsi Kley Noelin Rusiya hökuməti tərəfindən “müstəqil səslərə” qarşı ciddi tədbirlərin görməsi haqqında bəyanatı M.Zaxarovanı bu cür düşünməyə vadar edib.

"Və bu insanlar bütün il ərzində Rusiyanın onların seçki prosesinə güya müdaxilə etməsindən narazı idi? Dövlət Departamentinin sonuncu olmayacağına əmin olduğum bəyanatı seçki prosesinə və ölkənin daxili işlərinə birbaşa müdaxilədir", - deyə M.Zaxarova özünün "Facebook" hesabında yazıb.

Rusiyanın strateji təyinatlı raket qüvvələrinin komandanı general Sergey Karakayev Rusiya Müdafiə Nazirliyinin kollegiya iclasında ölkə başçısı Vladimir Putinə məruzə edib. Bu barədə “Kommersant” yazıb.

“Cənab Vladimir Vladimiroviç, bizim bu gücdə olan bir raketimiz ABŞ-ın 3 ştatına bəs edər. Raketlərimizin aşağı dəqiqliyi zərbənin gücü ilə tamamilə kompensasiya olunur”, - general deyib.

ABŞ prezidenti Donald Trampın administrasiyası “pis oğlanlar”ın siyahısı adlandırılan “Kreml məruzəsi” üzərində işləyir. Sənədlə Rusiya vətəndaşlarının yer aldığı “qara siyahı” genişləndiriləcək. Siyahıya yüksək vəzifəli Rusiya məmurları və hakimiyyətə yaxın biznesmenlər daxil ediləcək. Sənədin 2018-ci il yanvarın sonuna kimi Konqresə təqdim edilməsi nəzərdə tutulur.

Atlantik Şurasının eksperti, Dövlət Departamentinin sanksiya siyasəti üzrə keçmiş koordinatoru Daniel Frid nəşrə deyib ki, məruzə üzərində Maliyyə Nazirliyi, Dövlət Departamenti və Mərkəzi Kəşfiyyat İdarəsi bir sıra başqa idarələr işləyir.

ABŞ-ın Rusiyaya qarşı yeni mümkün sanksiyaları Moskvanın narahatlığına səbəb olur. Bu haqda Rusiya prezidentinin mətbuat katibi Dmitri Peskov Kremldə keçirdiyi brifinqdə deyib.

O həmçinin qeyd edib ki, Moskva bu məsələdə qarşılıqlılıq prinsipini rəhbər tutacaq.

“Rusiyanın ünvanına daxil edilən müxtəlif restriksiyalara, əlbəttə, uyğun cavab veriləcək”, - Kremlin nümayəndəsi vurğulayıb.

Xatırladaq ki, ABŞ Maliyyə Nazirliyi dekabrın 21-də Rusiyanın baş prokuroru Yuri Çaykanın oğlu Artyom Çaykaya qarşı “Qlobal Maqnitski qanunu” üzrə sanksiyalar tətbiq edib. Siyahıya həmçinin bütün dünya üzrə 13 nəfər və onlarla bağlı 39 fiziki şəxs, eləcə də şirkətlər daxil edilib.

Rusiyanın maliyyə naziri Anton Siluanov daha əvvəl deyib ki, Rusiyanı yeni maliyyə sanksiyaları hədələyir. Yeni sanksiyalar, ehtimal ki, dövlət istiqrazlarının buraxılışına toxunacaq.

ABŞ-da fəaliyyət göstərən “RAND Corporation” analitik mərkəzi Rusiya Silahlı Qüvvələrinin sahib olduğu imkanları göstərən bir hesabat hazırlayıb. Hesabata görə, dünyanın ən böyük ölkəsi Rusiyanı ələ keçirmək mümkün deyil.

Hesabatda qeyd edilir ki, Kreml Rusiyaya müdaxilənin qaçılmaz olduğu qənaətinə gələrsə, qabaqlayıcı zərbənin vurulması barədə qərar verə bilər.

Rusiya bu hallarda nüvə silahına əl atacaq - Qərblə müharibədə Kremlin ÜÇ HƏDƏFİ

ABŞ BMT-nin 2018-2019-cu illər üçün nəzərdə tutulan büdcəsinə ayırdığı vəsaiti 285 milyon dollar azaldacaq. Bu haqda ABŞ-ın BMT-dəki daimi nümayəndəsi Nikki Heyli deyib.

“Bundan sonra Amerika xalqının comərdliyinin istismar edilməsinə və ya bunun nəzarətsiz qalmasına icazə verməyəcəyik”, - amerikalı diplomat bildirib.

Koreya böhranı

Koreya Xalq Demokratik Respublikasının (KXDR) nüvə statusunu əldə etmək cəhdləri təhlükəlidir və Moskva bunu heç vaxt qəbul etməyəcək. Bunu “RİA-Novosti” agentliyinə müsahibəsində Rusiyanın Xarici İşlər Nazirliyinin başçısı Sergey Lavrov bildirib.

Lavrov: “Bu, humanitar faciəyə səbəb olacaq”

Koreya Xalq Demokratik Respublikası (KXDR) yeni peyk yaradıb. Bu haqda kəşfiyyat mənbələrinə istinadən Cənubi Koreyanın “Çunan İlbo” qəzeti bildirib.

Nəşrin məlumatına görə, peyk “Kvanmenson-5” (“Parlaq ulduz”) adını aldı. Təfərrüatlar və peykin texniki xarakteristikaları açıqlanmır.

“Kvanmenson-4” adlı əvvəlki peyk eyniadlı raket-daşıyıcı ilə 2016-cı il fevralın 7-də Pxyonan-Pukto əyalətindəki Soxe kosmodromundan buraxılıb. Bu işəsalma Koreya yarımadasında vəziyyəti kəskinləşdirib.

Yapon və Cənubi Koreya hərbçilərinin məlumatına görə, bu raket “Tepxodon-2” qitələrarası ballistik raketin mülki versiyası olan “İnxa-3” daşıyıcısının təkmilləşdirilmiş modifikasiyasıdır.

Koreya yarımadasında müharibə olacağı halda Cənubi Koreyada yaşayan on minlərlə ABŞ vətəndaşı həlak olacaq. Bunu “Arqumentı i faktı” nəşrinə müsahibəsində Rusiya Təhlükəsizlik Şurasının katibi Nikolay Patruşev bildirib.

“Tarix göstərir ki, ABŞ öz hədəflərinə çatmaq istəyərkən başqa dövlətlərin vətəndaşlarının həyatlarını nəzərə almır. Ancaq Vaşinqton, Cənubi Koreyada 250 min amerikalının yaşadığını nəzərə almaya bilməz. Koreya yarımadasında irimiqyaslı döyüş əməliyyatları halında on minlərlə ABŞ vətəndaşı həlak olacaq. Və bu ABŞ üçün qəbuledilməz olacaq”, - o deyib.

Diplomat əlavə edib ki, Cənubi Koreyanın paytaxtı Seulun 50 kilometrliyində Şimali Koreyanın operativ-taktik raketlərlə təchiz edilən raket kompleksləri və yaylım atəş sistemləri yerləşir.

Şimali Koreyadan cənuba qaçan əsgərlərdən birinin qanında Sibir xorası antitellərinə rast gəlinib. Bu barədə Cənubi Koreya mətbuatı informasiya yayıb.

Məlumata görə, Şimali Koreyadan qaçan əsgərin orqanizmində Sibir xorasına qarşı immunitet yaranıb. Əsgərin xəstəliyə qarşı peyvənd olması, yoxsa bakteriyaya məruz qalması barədə dəqiq informasiya verilməyib.

Qeyd edək ki, bir qədər əvvəl Şimali Koreya rəhbərliyinin ballistik raket başlıqlarına Sibir xorası virusu yerləşdirdiyi barədə informasiya yayılmışdı. Cənubi Koreya isə xəstəliyə qarşı peyvənd yaradılmadığı üçün belə bir zərbənin faciə ilə nəticələnəcəyini bildirmişdi.

“Təsadüfi hərəkətlər Koreya Xalq Demokratik Respublikasında hərbi münaqişəyə gətirib çıxara bilər”. Bunu “RİA-Novosti” agentliyinə müsahibəsində Rusiyanın Xarici İşlər Nazirliyinin xüsusi tapşırıqlar üzrə səfiri Oleq Burmistrov bildirib.

Onun sözlərinə görə, Koreya yarımadasında vəziyyət gərginliyin görünməmiş səviyyəsi ilə səciyyələnir.

“Gərginliyin silahlı konfliktə yuvarlanması təhlükəsi artır. Müharibə hər hansı təsadüfi şəraitə görə başlana bilər”, - o deyib.

Burmistrovun sözlərinə görə, şimali-şərqi Asiyada toplanan böyük miqdarda silahlar öz-özlüyündə “barıt çəlləyi”dir.

Ukrayna

Amerika və Kanada silahlarının Ukraynaya çatdırılması Donbasda münaqişəni alovlandıracaq. Bunu “RİA-Novosti” agentliyinə müsahibəsində Rusiyanın Xarici İşlər Nazirliyinin başçısının müavini Qriqori Karasin bildirib.

“ABŞ və Kanada “Pandora yeşiyi”ni açdı” - Moskvadan XƏBƏRDARLIQ

Dekabrın 27-də Ukraynanın şərqindəki münaqişə ərzində əsirlərin ən genişmiqyaslı mübadiləsi həyata keçirilib. Ukrayna tərəfi Luqansk və Donetsk “xalq respublikaları”nda əsir saxlanılan 74 vətəndaşının azad edilməsi əvəzinə 306 nəfəri azad edib.

Kiyevin məlumatına görə, hazırda Donbas separatçıların əsirliyində Ukraynanın 170 vətəndaşı var.

Rusiya prezidenti Vladimir Putin Viktor Yanukoviçin ölkədən qaçışı və Maydanda qələbədən əvvəl Krımın işğalına hazırlaşmağa başlamışdı. Bunu Ukraynanın keçmiş prezidenti Viktor Yanukoviçin dövlətə xəyanətdə ittihamı olunduğu məhkəmə prosesində şahid qismində çıxış edən Ukrayna Silahlı qüvvələrinin Hərbi-Dəniz Qüvvələrinin komandanı İqor Voronçenko bildirib.

2014-cü ilin fevralında sahil mühafizəsi qoşunlarının komandanının müavini vəzifəsini tutan vitse-admiral bildirib ki, Rusiya 2013-cü ildə Krımın işğalı üçün resursları toplamağa başlamışdı.

Ömər Dağlı