Xalq artisti Tariyel Qasımov bu günlərdə 79 yaşına qədəm qoyub. Milli.Az-a açıqlama verən aktyor cavanlıq formulunu bizimlə bölüşüb:
"Artıq mənim 79 yaşım tamam oldu. Bizim nəslimiz uzun ömürlü nəsildir. Anam 101 yaşında dünyasını dəyişdi, atam da 90. Mən heç hiss etmirəm ki, 79 yaşım var. Çünk ruhum gəncdir, insanlara pozitiv enerji ötürə bilirəm. Heç bilmirəm ki, bu illər necə gəlib keçdi. Siz görürsünüz ki, mən heç 79 yaşında olan insana da oxşamıram. Çünki həyat yoldaşım da mənə balaca uşağa baxan kimi qulluq edir. Onu da deyim ki, bu yaşımda da məni çox qısqanır. Yəqin elə bu sevgidir məni belə cavan saxlayan".
Əli Rəhimoğlu
Milli.Az
