[ 11 Yanvar 2015 23:37 ]
Bakı-APA. Yuxarı Qarabağ kanalından cəsəd çıxarılıb.
APA-nın Fövqəladə Hallar Nazirliyinin (FHN) saytına istinadən verdiyi xəbərə görə, bu il yanvarın 9-da Yuxarı Qarabağ kanalının İmişli rayonu ərazisindən keçən hissəsində “Mercedes” markalı minik avtomobili suya düşüb.
Nazirliyin dalğıc-xilasediciləri dərhal hadisə yerinə cəlb ediliblər. Onlar avtomobildə olan sərnişinin axtarışına başlayıblar. Bu gün 1993-cü il təvəllüdlü Əli Rəfail oğlu Şirinovun cəsədi dalğıc-xilasediciləri tərəfindən batdığı yerdən 6 km aralıda tapılaraq sudan çıxarılıb.
