Rusiyanı iflic edəcək PLAN, Qarabağda MÜHARİBƏ ANONSU… - GÜNÜN SİYASİ XÜLASƏSİ
Paylaş
144 baxış·5 dəq oxu
Ermənistan Xarici İşlər Nazirliyi Dağlıq Qarabağ
danışıqlarının atmosferinə zidd olan növbəti bəyanat verib.
Fələstin İsraildən Beynəlxalq Cinayət Məhkəməsinə şikayət
ünvanlayıb. ABŞ Pxenyanı Liviya ssenarisini təkrarlamaqla
hədələyib. Ukraynanın Donbas bölgəsində vəziyyət kəskin
pisləşib.
Ermənistan Xarici İşlər Nazirliyi yenə də Dağlıq
Qarabağ danışıqlarının atmosferinə zidd olan bəyanat
verib. Ermənistan XİN-in mətbuat katibi Tiqran
Balayan “Azərbaycan başa düşməlidir ki, Dağlıq Qarabağın
danışıqlarda bilavasitə iştirakı olmadan sülhün təmin olunması
mümkün deyil”, - deyə bildirib.
Onun sözlərinə görə, Ermənistan tərəfi Qarabağın danışıqlarda
iştirakında təkid edir: “İndi reallıqlar dəyişib və Qarabağ danışıq
prosesində yer almalıdır”.
T. Balayan Azərbaycan və Ermənistan XİN rəhbərlərinin görüşü
haqqında razılığın olmadığını qeyd edib.
“Ərazilərin qaytarılmasından söhbət belə gedə bilməz”, - deyə o
əlavə edib.
Qeyd edək ki, Nikol Paşinyanın hakimiyyətə gəlişindən sonra
Ermənistan Dağlıq Qarabağın danışıqlarda tərəf kimi iştirakını
irəli sürür. Hansı ki, Bakı 20 ildən artıq davam edən danışıqlar
prosesində buna qarşı çıxıb. Ekspertlər isə İrəvanın mövqeyini
müharibəyə çağırış kimi qiymətləndirirlər.
Mayın 9-da İsrailin Suriyada İrana aid hərbi
obyektləri vurmasına, 23 Suriya və İran əsgərinin ölümünə səssiz
qalan Rusiyadan əks həmlə gəldi. İsrailin kəşfiyyat
təşkilatı MOSSAD-a yaxınlığı ilə tanınan DEBKA saytının iddiasına
görə, Rusiya prezidenti Vladimir Putinin mayın 16-da Soçidə Baş
qərargahın rəhbərliyinə verdiyi iki əhəmiyyətli təlimat həyata
keçirilməyə başlanılıb.
İsrailin müdafiə xətti... - Putinin mayın 16-da verdiyi təlimatın ŞOK DETALLARI
B planı yoxdur: ABŞ İranda istədiyi müharibə
zəminini hazırlayır. Bu barədə “Əl-Cəzirə” kanalının
siyasi ekspertlərlə hazırladığı analizdə deyilir. Ekspertlər hesab
edirlər ki, İran üçün hazırlanan yeni strategiya Yaxın Şərqdə
müharibə ehtimalını gücləndirir.
ABŞ Azərbaycan sərhədində müharibəyə hazırlaşır: 12 maddəlik YENİ STRATEGİYANIN HƏDƏFİ
Fələstin mayın 14-də Qəzza zolağında baş verən
hadisələr və bölgədə İsrailin qanunsuz tikililəri ilə bağlı Haaqa
Beynəlxalq Cinayət Məhkəməsinə şikayət ünvanlayıb. Bu
barədə Fələstinin Xarici İşlər naziri Riyad Maliki bildirib.
Xatırladaq ki, Qəzza zolağında baş verən qarşıdurmalar zamanı
mayın 14-də 61 fələstinli öldürülmüş, 2700-dən çoxu
yaralanmışdı.
Fələstinlilərin Haaqa Beynəlxalq Cinayət Məhkəməsinə
müraciətinin hüquqi əsası yoxdur. Bu barədə İsrail
Xarici İşlər Nazirliyinin yaydığı məlumat deyilir.
“Fələstinin müraciəti hüquqi cəhətdən etibarsızdır. Beynəlxalq
Cinayət Məhkəməsi isə İsrail-Fələstin məsələsinə hüquqi baxımdan
münasibət bildirmək səlahiyyətinə malik deyil. Çünki İsrail bu
Məhkəmənin üzvü deyil, Fələstin milli administrasiyası isə dövlət
deyil””, - İsrail XİN bildirib.
Böyük Britaniyanın Rusiya Prezidenti Vladimir Putinə
yaxın adamların öhdəsindən gəlmək üçün öz metodları
var. Bu sözləri Böyük Britaniyanın Xarici İşlər
naziri Boris Conson deyib.
“Düşünürəm ki, müəyyən şəxslərə qarşı sanksiyaların güclü
təsirləri hiss olundu və mən bunu qeyd etdim. Ancaq bizim öz
sistemimiz və yanaşma tərzimiz var. Britaniyanın Putinə yaxın
insanların öhdəsindən gəlmək üçün nə edə biləcəyi ilə bağlı daha
geniş bir sual mövcuddur”, - Conson bildirib.
Consonun sözlərinə görə, Britaniya Avropa Birliyinə üzv olduğu
və bu qurumda qərarların digər üzvlərlə razılaşdırıldığı üçün
qurumu tərk edənə qədər özünün sanksiya rejimini tətbiq edə bilməz.
2019-cu ilin martında AB-ni tərk etdikdən sonra isə Britaniyanın
daha sərt mövqe nümayiş etdirmək imkanları yaranacaq.
Moskva və Vaşinqton arasında hərbi münaqişə halında
JSTARS radar sistemi ilə təchiz edilmiş ən müasir Amerika
təyyarələri olan “Northrop Grumman E-8” dünyada analoqu olmayan
Rusiyanin “S-400” zenit-raket kompleksləri tərəfindən ilk gündə
vurulacaq. Bu haqda “Newsweek” nəşrinin müxbiri Devid
Brennan ABŞ-ın Hərbi Hava Qüvvələrinin başçısı Hizer Uilsonun
Senatın hərbi-hava qüvvələri üzrə yarımkomitəsində çıxışına
istinadən yazıb.
ABŞ müharibə başlamadan TƏSLİM OLDU: “Rusiya elə ilk gündə...” - ŞOK SSENARİ
“Pxenyan nüvə silahından imtina etməsə, Koreya Xalq
Demokratik Respublikasında Müəmmər Qəddafinin devrilməsi ilə
nəticələnən Liviyadakı hadisələrin bənzəri baş
verəcək”. Bu haqda ABŞ-ın vitse-prezidenti Maykl Pens
bazar ertəsi “Fox News” telekanalına müsahibəsində bildirib.
“Kim Çen In üçün böyük səhv düşüncədir ki, o, Donald Trampla
oynaya bilər”, - iyunun 12-də Sinqapurda planlaşdırılan ABŞ-Şimali
Koreya sammitinin ləğvi ehtimalı haqqında danışan Pens
vurğulayb.
Bu dövlət başçısı Qəddafi kimi öldürüləcək – ABŞ SON KARTINI açdı
“ABŞ çətin ki, Rusiya tərəfindən genişmiqyaslı
müdaxilə halında Ukraynanın ərazisinə öz bölmələrini göndərsin,
amma bundan daha əhəmiyyəti kömək göstərə bilər”.
Bunu “ObozTV”nin efirində “Müharibənin hədləri” proqramında ABŞ-ın
Hərbi-Dəniz Qüvvələrinin birinci dərəcəli kapitanı Harri Tabax
bildirib.
III Dünya müharibəsi... - Pentaqonun Rusiyanı iflic edəcək planı ORTAYA ÇIXDI - VİDEO
Ukraynanın silahlı qüvvələri Donetsk vilayətinin
Qorlovka rayonu ərazisində “Donetsk Xalq Respublikası” (“DXR”)
separatçı rejimin döyüşçülərinin blok-postlarına hücüm
edib. Bu haqda Donbasdakı Birləşmiş güclərin
əməliyyat qərargahındakı mənbəyə istinadən “Strana.UA” portal
bildirib.
“Qorlovka Debaltsevo və Yenakievoya hücum üçün strateji müharibə
meydanıdır. Beləliklə, Donetsk ətrafında ilmə daralır”, - mənbə
deyib.
Eyni zamanda, qərargahın nümayəndəsi iddia edib ki, Ukrayna
Minsk razılaşmalarını pozmur: “Qorlovkanın ətrafında hündürlüklər
boz zonaya aiddir. Və biz boz zonanı tutmaq hüququna malikik”, -
Ukrayna ordusunun zabiti bildirib.
Qeyd edək ki, son günlərdə bu rayonda vəziyyət kəskin pişləşib.
Dünən Ukraynanın silahlı qüvvələri “DXR-in nəzarətində olan
Qorlovkaya hücum edib.
Təmas xəttində hündürlüklər üçün ŞİDDƏTLİ DÖYÜŞLƏR gedir
