İrəvanı qorxuya salan QARABAĞ VƏDİ, müharibənin ÜÇ VARİANTI... – GÜNÜN SİYASİ XÜLASƏSİ

Paylaş

"Biz sözün əsl mənasında enerji mənbələrinin şaxələndirilməsini həyata keçiririk. Cənub Qaz Dəhlizi yeni enerji damarıdır". Bunu bu gün Azərbaycan prezidenti İlham Əliyev Cənub Qaz Dəhlizinin rəsmi açılış mərasimində bildirib.

Prezident: "Cənub Qaz Dəhlizi yeni enerji damarıdır"

Rusiya prezidenti Vladimir Putin, Azərbaycan Prezidenti İlham Əliyev və Ermənistanın baş naziri Nikol Paşinyanın görüşəcəyi haqda informasiya yayılıb. Ermənistanın Xarici İşlər Nazirliyi isə bu informasiyanı təkzib edib.

Ermənistan XİN-in mətbuat xidmətinin rəhbəri Tiqran Balayan bu informasiyanın həqiqətə uyğun olmadığını deyib.

“Hazırda belə bir görüş haqqında razılığa nail olunmayıb”, - deyə o bildirib.

ABŞ prezidenti Donald Trampın Azərbaycan prezidentinə təbrik məktubunda “yaxın aylarda Dağlıq Qarabağ münaqişəsinin nizama salınması ilə bağlı yeni imkanlar açılacaq” sözlərinin ardından dövlət katibi Mayk Pompeo da münaqişə ilə bağlı fikrini açıqladı. Erməni siyasi şərhçi Aram Amatuni Ağ Evin Qarabağ çağırışlarının Ermənistan üçün narahatverici olduğunu yazıb.

Vaşinqtondan Bakıya İrəvanı qorxuya salan QARABAĞ VƏDİ

Ermənistanın baş naziri Nikol Paşinyan Fransanın Avropa və xarici işlər naziri Jan-İv Lö Drian ilə görüşüb. Bu haqda Ermənistan hökumətinin informasiya və ictimaiyyətlə əlaqələr idarəsindən bildirilib.

Xəbərə görə, görüşdə Ermənistna-Fransa münasibətlərinin indiki səviyyəsi, həmçinin Dağlıq Qarabağa münaqişəsinin həlli prosesi müzakirə olunub.

“Baş nazir Dağlıq Qarabağ münaqişəsi üzrə danışıqlar prosesində ATƏT-in Minsk qrupunun həmsədri kimi Fransanın rolunu yüksək qiymətləndirib. Nikol Paşinyan Ermənistanın konstruktiv atmosferdə danışıqlar prosesini davam etdirməyə hazır olduğunu təsdiq etdi”, - xəbərdə deyilir.

Türkiyə prezidenti Rəcəb Tayyib Ərdoğan və Rusiya prezidenti Vladimir Putin arasında telefon söhbəti olub. Söhbət zamanı Suriya münaqişəsi və iki dövlətin energetika sahəsində əməkdaşlığı müzakirə edilib.

İsrail ilə Rusiya Suriyanın cənub sərhədinə rejim qüvvələrinin nəzarət etməsi haqda razılığa gəliblər. Bu barədə İsrailin “Kanal 10” televiziyası məlumat yayıb. Razılaşmaya görə, İran, “Hizbullah” və ya hər hansı başqa birlik bundan sonra Suriya sərhədində mövqe tuta bilməyəcək.

Rusiya müttəfiqini İsrailə niyə “SATDI?” – 9 may görüşünün SİRLƏRİ AÇILDI

İsrailin baş nazir Benyamin Netanyahu Qəzza sektorundan yəhudi dövlətinin cənub rayonlarına raket atəşindən sonra Qüdsdəki iqamətgahında təhlükəsizlik məsələləri üzrə təcili müşavirə keçirib. Müşavirədə güc strukturlarının başçıları, həmçinin İsrailin kəşfiyyat və atom energetikası naziri İsrael Kats iştirak edib.

Qeyd edək ki, bu gün səhər saatlarında Qəzza sektorundan İsrailə 27 raket və minaatan mərmi buraxılıb.

Müharibə əmri veriləcək? - Netanyahu güc nazirlərini TƏCİLİ TOPLADI

“ABŞ da daxil olmaqla, dünyada heç kəs İranı milli raket proqramını dayandırmağa məcbur edə bilməyəcək”. Bu haqda İran İslam İnqilabı Keşikçilər Korpusunun (silahlı qüvvələrin elit birlikləri –red.) komandanının müavini, briqada generalı Hüseyn Salami bildirib.

İran ABŞ-ın ultimatumunu RƏDD ETDİ: “Dünyada heç kəs...”

ABŞ-ın Yaponiyanın Xirosima və Naqasaki şəhərlərinə atdığı atom bombasına hüquqi qiymət verilməlidir. Bunu Rusiya Xarici Kəşfiyyat Xidmətinin rəhbəri Sergey Narışkin deyib. O, ABŞ-ın bu addımını varvar davranış adlandırıb və onun Vaşinqtonun mənəvi hökmranlığına səbəb olduğunu bildirib.

Qeyd edək ki, ABŞ Xirosima və Naqasakiyə 1945-ci ilin avqustunda atom bombası atıb. Bu, müharibə zamanı atom bombasından ilk və son istifadə olub.

Polşa ABŞ-ı ölkədə zirehli tank diviziyasını yerləşdirməyə çağırıb. Ölkənin Müdafiə Nazirliyi “ABŞ-ın Polşada daimi olması üçün Təklif” adlı sənədi dərc edib.

ABŞ-ın tank diviziyası Rusiya sərhədlərinə YAXINLAŞIR - Moskvadan HƏDƏ

Çin yeni nəsilin nüvə silahının yaradılması templərini sürətləndirir və buna ABŞ-dan daha tez nail olacaq. Bu haqda “The Hill” qəzeti bildirib.

Nəşr Çinin Mühəndislik Fizikası Akademiyasının məlumatlarına istinadən yazır ki, 2014-cü ilin sentyabrından 2017-ci ilin dekabrına kimi təxminən 200 sınaq keçirilib. Nəşr xatırladır ki, Ağ Ev ölkənin nüvə arsenalının müasirləşdirilməsi proqramına 1,2 milyard dollar ayırıb və Müdafiə Nazirliyi (Pentaqon) bu ilin yanvarında Rusiya və Çinin qarşısının alınması üçün “kiçik gücdə” olan nüvə döyüş sursatlarının yaradılmasını nəzərdə tutan yeni nüvə doktrinasını təqdim edib. Bununla, qəzetə görə, Pentaqon Moskvaya və Pekinə mesaj verdi ki, Vaşinqton ehtiyac olduğu halda belə silahı tətbiq edə bilər.

Dünya nüvə müharibəsinə YAXINLAŞDI – ABŞ-ın rəqibi barədə ŞOK İDDİA

Koreya Xalq Demokratik Respublikasının (KXDR) Əmək Partiyasının sədr müavini Kim Yen Çol ABŞ və KXDR liderlərinin mümkün sammitinə hazırlıq haqqında danışıqları müzakirə etmək üçün ABŞ-a səfər edib. Bu haqda mənbələrə istinadən “Yonhap” agentliyi bildirib.

"The Japan Times" nəşri isə ABŞ administrasiyasındakı rəsmilərə istinadən məlumat yayıb ki, Vaşinqton Pxenyanla apardığı məsləhətləşmələrdə Şimali Koreya hakimiyyətindən 20 nüvə başlığının ölkədən çıxarılaraq ABŞ-a göndərilməsinə razılıq verməsini tələb edir.

ABŞ-ın Pxenyandan əsas tələbləri MƏLUM OLDU: əvəzində qida və…

Ukrayna və Donbasdakı “respublikalar” arasında hərbi qarşıdurma 4 ildir davam edir. Ekspertlər və diplomatlar münaqişənin həlli üçün zaman-zaman müxtəlif təkliflər irəli sürübülər, hadisələrin inkişafına dair versiyalar səsləndiriblər.

Rusiyanın “topcor.ru” saytı hadisələrin inkişafı üzrə proqnoz xarakterli üç variant irəli sürüb.

Putinə Ərdoğan nümunəsi və müharibənin ÜÇ VARİANTI: Rusiya hərəkətə KEÇƏCƏKMİ?

Ömər Dağlı