“Bu il keçirilən imtahanlar zamanı başqalarının əvəzinə imtahana gələn şəxslər tutulub. Həmin məlumatlar bu gün açıqlanıb”.
Publika.az xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə bu gün keçirdiyi mətbuat konfransında deyib.
M.Abbaszadə bildirib ki, bu barədə imtahan zamanı açıqlama vermədik, lakin bu barədə Baş Prokurorluğa məlumat verilib: “Bu faktlar barədə prokurorluqda araşdırma aparılır. Biz bu şəxsləri tutmaqla, kiminsə biznes maraqlarına toxunmuşuq”.