Azərbaycan Dövlət Pedaqoji Universitetində (ADPU) yeni kadr təyinatı olub.
Milli.Az modern.az-a istinadən bildirir ki, professor Fikrət Rzayev bu gün ADPU-nun təlim-tərbiyə məsələləri üzrə prorektoru təyin edilib.
Fikrət Rzayev 1953-cü il martın 16-da Gəncə şəhərində anadan olub. 1970-ci ildə Gəncə şəhərinin 4 saylı orta məktəbini bitirib. 1975-ci ildə Azərbaycan Dövlət Universitetinin (indiki BDU) Filologiya fakültəsini bitirib. 1977-1979-cu illərdə Azərbaycan Pedaqoji İnstitutunun aspirantı olub.
1979-cu ildən sonra uzun müddət BDU-nun rus ədəbiyyatı tarixi kafedrasının assistenti, baş müəllimi, dosenti işləyib.
Filologiya elmləri doktoru, professor Fikrət Rzayev son təyinatadək Lomonosov adına Moskva universitetinin Bakı Filialında Filologiya fakültəsinin dekanı olub.
Milli.Az
