Gərgin oyun keçdi. Düşünürəm ki, qalib də gələ bilərdik. Amma olmadı və qələbəni əldən verdik. "Qarabağ"a qarşı 1:1 hesabı ilə heç-heçə etmək yaxşı nəticədir. Bizim hələ ki, bir məqsədimiz var. O da bu mövsüm Premyer Liqada qalmaqdır. Komandamı təbrik edirəm. Qarşıdakı "Neftçi" ilə matç qələbə üçün çıxacağıq.
Milli.Az bildirir ki, bunu "Sabah" klubunun futbolçusu Cavid İmamverdiyev Azərbaycan Premyer Liqasının XII turunda "Qarabağ"la 1:1 heç-heçə etdikləri oyun barədə danışarkən deyib.
28 yaşlı yarımmüdafiəçi jurnalistlərin suallarını da cavablandırıb.
Qələbə qazana biləcəyinizi vurğuladınız, amma ikinci hissədə müdafiədə oturdunuz...
- Ən azından qol buraxmasaydıq qalib gələcəkdik. Hətta ikinci qolu da vura bilərdik. Amma alınmadı. Sadəcə olaraq, qolu buraxmasaydıq matç 1:0 bizim qələbəmizlə başa çatmışdı.
"Sabah" bu matçda iki xal itirdi?
- Xeyr. Belə düşünmürəm. "Qarabağ" kimi komanda ilə heç-heçə oynamaq bizim üçün yaxşı nəticədir.
Növbəti turda "Neftçi" ilə oynayacaqsınız. Həmin matç barədə nə deyə bilərsiniz?
- Nə olursa olsun, əlimizdən gələni edəcəyik ki, "Neftçi" ilə görüşdə qələbə qazanaq. Komandama inanıram. Bunu edə bilərik.
Komandanın bombardiri Deviç də zədəsini sağaldaraq sıraya dönür...
- Sözün açığı o barədə məlumatım yoxdur. İnanıram ki, tez sağalar. Onun hücum xəttində olmağı bizim üçün böyük üstünlükdür.
Milli.Az
