"Vay-vay, biabırçılıq, rəzalət, fəlakət! Bütün
Azərbaycan camaatının anası, nənəsi və nənəsinin nənəsi yaşında
olan mən... Bu, öz yerində... Amma gözəl xanımlarımız - axşam
6-7-dən sonra yemək istəyəndə bol-bol su için, suyun içinə nanə də
qoya bilərsiniz. Bəli, bir-iki gün çətin olacaq. Sonra isə
öyrəşəcəksiz. Söz verirəm. Ən azından can sağlığı hiss
edəcəksiniz".
Publika.az xəbər verir ki, bu sözləri Xalq
artisti Brilliant Dadaşova instaqramda yazıb. 53 yaşlı artist bu
sözləri ilə yaxınlarda qısa yubkasından dolayı ünvanına yazılan
tənqidlərə cavab verib.
Olduqca qısa geyimdə şəklini paylaşan sənətçi gözəllik sirrini
izləyicilərinə açıb. O, qeyd edib ki, axşamlar meyvə yemək köklüyə
səbəb olur: "Ən pisi meyvədir, yedinsə yandın".