Yeni Zelandiya milli komandasının baş məşqçisi: Milli Gimnastika Arenasında fantastik şərait yaradılıb

Yeni Zelandiya milli komandasının baş məşqçisi: Milli Gimnastika Arenasında fantastik şərait yaradılıb
12:43 12 Fevral 2019
45 İdman
Ölkə mətbuatı
A- A+

Bakı. Sara İsrafilbəyova - Trend:

Milli Gimnastika Arenasında fantastik şərait yaradılıb.

Bunu Trend-ə batut gimnastikası və tamblinq üzrə Dünya Kubokunun yoxlama-məşqi çərçivəsində Yeni Zelandiyanın batut gimnastikası üzrə milli komandasının baş məşqçisi Cerod Heriot deyib.

O vurğulayıb ki, bu arenada məşq etmək çox rahat və xoşdur:

“Biz ilk dəfədir ki Bakıya gəlmişik. Uzaqdan gəldiyimiz üçün uyğunlaşmağa vaxt lazım olsa da, burda bunu hiss etmədik, tez bir zamanda uyğunlaşdıq”.

Baş məşqçi bildirib ki, hazırlıqlar və məşq yaxşı davam edir.

C.Heriot Çin və Rusiya komandalarını ən güclü komanda hesab etdiyini deyib.

Qeyd edək ki, Bakıda fevralın 16-17-də batut gimnastikası və tamblinq üzrə ilin ilk Dünya Kuboku yarışı keçiriləcək.

Turnirdə 31 ölkədən 200-dən artıq gimnastın mübarizə aparacağı gözlənilir. 2019 və 2020-ci illərdə Tokio Yay Olimpiya Oyunlarına batut gimnastikası üzrə təsnifat xarakterli 8 Dünya Kuboku yarışı keçiriləcək. Paytaxtımız isə bu kuboklardan ikisinə ev sahibliyi edəcək.

Ötən il Bakıda 26 ölkənin iştirakı ilə gimnastikanın bu növü üzrə Avropa çempionatı, daha öncəki illərdə isə Dünya kubokları (2016-cı il 17 ölkə, 2017-ci il 15 ölkə) təşkil olunub. Bu il baş tutacaq yarışa marağın səbəbi isə kubokun təsnifat xarakterli olmasıdır.

Ölkəmizi turnirdə batut yarışlarında qadınlar arasında fərdi proqramda son Avropa çempionatının gümüş medalçısı Veronika Zemlyanaya, kişilər arasında sinxron və fərdi proqramlarda Ruslan Ağamirov, İlya Qrişunin, Oleq Piunov və tamblinq cığırında Avropa çempionumuz Mixail Malkin təmsil edəcəklər.

İki gün davam edəcək yarışların ilk günü təsnifat mərhələləri, ikinci günü isə final mərhələləri baş tutacaq.

Turnirdə ən yüksək icra xalını toplamış gimnastlara ənənəvi “AGF Trophy” kuboku da təqdim olunacaq.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/sports/3018169.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR