"2049-cu ilədək "Azəri-Çıraq-Günəşli" (AÇQ) yataqlar blokundan daha 3 milyard barel neft hasil etmək planlaşdırılır".
Milli.Az Trend-ə istinadən xəbər verir ki, bunu "BP Azərbaycan"ın vitse-prezidenti Bəxtiyar Aslanbəyli SOCAR-ın IV "Xəzər və Mərkəzi Asiya: Neft emalı, Neft-kimya, Ticarət, Logistika" beynəlxalq forumunda deyib.
O qeyd edib ki, "Əsrin müqaviləsi" imzalanarkən yataqdakı ehtiyatlar 511 milyon ton həcmində proqnozlaşdırılırdı ki, bu günədək artıq 474 milyon ton neft hasil olunub:
"Bu günədək AÇQ yataqlar blokunun inkişafına 36 milyard dollar investisiya qoyulub və 3,5 milyard barel neft hasil edilib".
B.Aslanbəyli əlavə edib ki, 44 milyard kubmetr səmt qazı toplanaraq hökumətə təhvil verilib.
Milli.Az
