Qvatemalada həbsxanada qiyam olub.
"Report" xəbər verir ki, bu barədə "Prensa Libre" portalı məlumat yayıb.
Məlumata görə, qiyam zamanı 7 nəfər həlak olub, həmçinin 19 nəfər yaralanıb. Yaralılar xəstəxanalara yerləşdirilib.
Ölənlərdən birinin şəxsiyyəti müəyyənləşdirilib. Qeyd edilir ki, 25 yaşlı məhkum qanunsu silah gəzdirməyə və hədə-qorxu ilə pul qoparmağa görə azadlıqdan məhrum edilib.
Nəşrin məlumatına görə, həbsxanada atəş səsləri eşidilib. Hadisə yerində polis əməkdaşları işləyir.
Daha əvvəl Qvatemalada yük avtomobilinin törətdiyi yol-nəqliyyat qəzası nəticəsində azı 30 nəfər ölüb, 4 nəfər yaralanıb.