Aparıcı Zaur Nəbioğlu xalq artistinə yazılan sevgi məktublarını tapıb ortalığa çıxartdı? Minlərlə məktubun içində kimin məktubu aktrisanı daha çox kövrəltdi? O məktubu yazan şəxs çəkiliş məkanına gəlib həmin məktubu canlı olaraq səsləndirdi. O kimdir?
Məleykə Əsədovaya daha bir sevgi etirafı böyük gül dəstəsi ilə edildi. O gül dəstəsini gətirən şəxsi verilişin yaradıcı heyəti razı salıb görüntüləyə bildimi? Mərhum aktrisa Xanım Qafarovanın qızının anasının məzarı başında hamını ağladacaq müsahibəsi. Balaca Gövhər çəkiliş məkanına gəlib nələri danışdı?
Xalq artistləri Niyaməddin Musayev və Rafiq Əzimov Məleykə Əsədova barədə nə danışdı?
Bütün bunlar bu şənbə 9 mayda Bakı Filmin təqdimatında "A dan Z yə"də olacaq. Qeyd edək ki, mayın 9 dan ANS-də "Maşın" realiti şousunun canlı yayımı ilə əlaqədar bir müddətlik Zaur Nəbioğlunun aparıcısı olduğu "A dan Z yə"nin yayım vaxtı dəyişib və 9 maydan etibarən hər şənbə 18:15 də veriliş efirə çıxacaq.
MənbəANS PRESS
