Bakı, 16 yanvar, AzərTAc
Türkiyədə təlim-məşq toplanışında olan Zaqatalanın “Simurq” futbol komandası növbəti yoxlama oyununa çıxıb.
AzərTAc xəbər verir ki, baş məşqçi Georgi Çixradzenin komandası ikinci yoxlama oyununda Almaniyanın 3-cü Bundesliqasında çıxış edən “Duysburq” ilə qarşılaşıb.
Oyun Almaniya təmsilçisinin 4:1 hesablı qələbəsi ilə yekunlaşıb. Zaqatala təmsilçisinin heyətində Samir Zərgərov fərqlənib.
Qeyd edək ki, “Simurq” ilk yoxlama oyununda Qazaxıstanın “Şaxtyor” komandasına 3:1 hesabı ilə qalib gəlmişdi.
