Bakı, 16 yanvar, AzərTAc
Moody's beynəlxalq reytinq agentliyi 2015-ci ildə Rusiyada ümumi daxili məhsulun (ÜDM) 5,5 faiz azalacağını proqnozlaşdırıb.
AzərTAc RİA Novosti informasiya agentliyinə istinadla xəbər verir ki, Moody's Rusiyada ümumdaxili məhsulunun azalmasının, həmçinin Ermənistan iqtisadiyyatını da zəiflədəcəyini ehtimal edir.
Agentliyin bəyanatında Rusiyada iqtisadi vəziyyətin Ermənistanın qızıl və valyuta ehtiyatlarına təsir edəcəyi qeyd olunur. “Rusiya iqtisadiyyatında kəskin zəifləmə, pul köçürmələri axınının azalması Ermənistanın qızıl və valyuta ehtiyatlarına potensial təzyiq göstərə bilər” – Moody's beynəlxalq reytinq agentliyinin bəyanatında bildirilir.