DİM musiqi təhsili almaq istəyən abituriyentlərə müraciət edib

DİM musiqi təhsili almaq istəyən abituriyentlərə müraciət edib
12:42 12 Noyabr 2019
83 Digər
Ölkə mətbuatı
A- A+

2020/2021-ci tədris ili üçün keçiriləcək “İnstrumental ifaçılıq (xalq çalğı alətləri ifaçılığı-nağara)” ixtisası üzrə qabiliyyət imtahanlarında iştirak etmək istəyən abituriyentlərdən minimum 5 illik musiqi təhsili tələb ediləcək. 
Dövlət İmtahan Mərkəzindən "Report"a verilən məlumata görə, 2019/2020-ci tədris ili üçün qabiliyyət tələb edən ixtisaslar üzrə müsabiqə şərtlərinə əsasən, Azərbaycan Milli Konservatoriyasının “xalq çalğı alətləri ifaçılığı-nağara” aləti 22-ci komissiyada yer alıb.
Həmin komissiya üzrə qabiliyyət imtahanı “ixtisas”, “harmoniya və solfecio” fənlərindən ibarətdir.
DİM ekspertlərlə müzakirələr aparıb və “İnstrumental ifaçılıq (xalq çalğı alətləri ifaçılığı-nağara)” aləti üzrə qabiliyyət imtahanlarının “ixtisas”, “musiqi nəzəriyyəsi və solfecio” fənləri üzrə keçirilməsi qərara alınıb. Bu qərara uyğun olaraq Azərbaycan Milli Konservatoriyasının “İnstrumental ifaçılıq (xalq çalğı alətləri ifaçılığı-nağara)” ixtisası üzrə qabiliyyət imtahanlarında iştirak etmək istəyən abituriyentlər 23-cü komissiya üzrə qeydiyyatdan keçməlidirlər. Qabiliyyət imtahanlarını müvəffəqiyyətlə verib müsabiqəyə buraxılan abituriyentlər bu alət üzrə Bakı şəhərində tədris aparılan istənilən təhsil müəssisəsinin uyğun ixtisasını seçmək hüququ qazanacaqlar.
DİM-in dərc etdiyi “Abituriyent” jurnalının xüsusi buraxılışı olan “Xüsusi qabiliyyət imtahanları” jurnalında qabiliyyət imtahanlarının proqramları, imtahanlara hazırlaşmaq üçün metodiki tövsiyələr və digər məlumatlar çap ediləcək. 


Xəbərin orijinal ünvanı: https://report.az/elm-ve-tehsil/di-m-musiqi-tehsili-almaq-isteyen-abituriyentlere-muraciet-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR