[ 16 Yanvar 2015 18:18 ]
Bakı – APA. Xarici işlər naziri Elmar Məmmədyarov Hindistanın Azərbaycandakı səfiri Vinod Kumarı diplomatik fəaliyyətinin başa çatması ilə əlaqədar qəbul edib. XİN-in mətbuat xidmətindən APA-ya verilən məlumata görə, görüş zamanı iki ölkə arasındakı əməkdaşlıqdan məmnunluq ifadə olunub və iqtisadi, ticarət əlaqələrinin inkişafı üçün əlverişli imkanların olduğu bildirilib.
V. Kumar diplomatik fəaliyyəti müddətində ona göstərilən dəstəyə görə təşəkkür edib. E. Məmmədyarov səfirə gələcək fəaliyyətində uğurlar arzulayıb.
