Türkiyənin Samsun şəhərində bir kişi həyat yoldaşı M.K-nın satmağına razı olmadığı avtomobilini qaçıraraq benzin töküb, yandırıb.
Milli.Az Sözcü-yə istinadən xəbər verir ki, qəzəbli H.K yanan maşının videosunu çəkərək WhatsApp-la həyat yoldaşına göndərib. Yanğınsöndürənlər maşını söndürüblər.
Avtomobilinin yandığı yerə gələn Hatun K. isə baş verənlərə ağlayaraq reaksiya verib. Ərinin 3 aydır onu döydüyünü iddia edən Hatun K "Maşınımı satmağımı istədi. Məni ölümlə təhdid etdi. Tutulub cəzalandırılmasını istəyirəm" deyib.
Hadisə yerindən qaçan şübhəli polis əməkdaşları tərəfindən yaxalanıb.
Məhəmməd Vaqif
Milli.Az
