“Report” “Reuters”ə istinadən xəbər verir ki, Cənubi Koreya və Yaponiyanın da iştirak etdiyi turnir çərçivəsində keçirilən və geniş siyasi əks-səda doğuran qarşılaşmada Çin yığması Honqkonq komandasını 2:0 hesabı ilə məğlub edib.
Koreya Futbol Assosiasiyası vəziyyətin həssas olduğunu nəzərə alaraq, oyun zamanı stadiona bayraqların gətirilməməsi üçün tədbir gördüklərini açıqlayıb. Stadiona gələn 200-dək honqkonqlu azarkeş çinli azarkeşlərin səsini batırmağa çalışıblar.
Qeyd edək ki, 1997-ci ildən Honqkonq Çinin tərkibində muxtariyyət statusu daşıyır. Çində himnə hörmətsizlik cinayət məsuliyyətinə əsasdır. Honqkonqda da bu kimi əmələ görə 3 ilədək həbs cəzasını nəzərdə tutan qanun layihəsi qəbul olunub.
