Misirin Süveyş əyalətində avtomobil yolunda iki turist avtobusunun yük maşını ilə toqquşması nəticəsində 6 nəfər ölüb, 24 nəfər xəsarət alıb.
“Report” “Egypt İndependent”ə istinadən xəbər verir ki, təhlükəsizlik mənbələrinə görə, xəsarət alanların hamısı hindistanlı və malayziyalı turistlər, ölənlərdən biri isə yerli mühafizəçidir. Hadisə yerinə istintaq əməkdaşları cəlb edilib, araşdırma aparılır.
RİA “Novosti” xəbər verir ki, hadisəyə yük maşınının təkərinin partlaması səbəb olub.
