"Benfika" heyətini yeni futbolçu ilə gücləndirib.
Milli.Az goal.az-a istinadən xəbər verir ki, sözügedən klub "Borussiya Dortmund"un yarımmüdafiəçisi Yulian Vayqlı heyətinə qatıb.
Bu barədə Almaniya klubunun rəsmi saytı məlumat yayıb: "Benfika" ilə Yulian Vayqlın transferi ilə bağlı razılığa gəldik. Oyunçumuza xidmətlərinə görə təşəkkür edirik, Portuqaliya macərasında uğurlar arzulayırıq".
Vayql "Borussiya"da 2015-ci ildən çıxış edirdi. Almaniya yığmasının üzvü Dortmund təmsilçisində 171 oyuna çıxıb, 4 qola imza atıb.
Milli.Az
