Azərbaycan, Bakı, 20 may /Trend, müxbir İlhamə İsabalayeva/
Mayın 19-da Bakıda çoxmərtəbəli binada baş verən yanğın nəticəsində Kliniki Tibbi Mərkəzdə yerləşdirilən xəstələrdən biri vəfat edib. Bu barədə Trend-ə Səhiyyə Nazirliyinin mətbuat xidmətindən məlumat verilib.
Xəsarət alan 56 nəfərə tibbi yardım göstərilib.
Həmin şəxslərdən 34 nəfər Kliniki Tibbi Mərkəzin toksikologiya şöbəsinə, 2 nəfər 6 saylı şəhər xəstəxanasına, 4 nəfər Travmatologiya və Ortopediya İnstitutuna, 1 nəfər Yanıq Mərkəzinə yerləşdirilib. 15 nəfərə hadisə yerində yardım göstərilib.
Qeyd edək ki, dünən baş verən yanğın nəticəsində hadisə yerində 14 nəfər ölüb.
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az
