TƏBİB: Bütün bölgələrdə karantin xəstəxanaları müəyyənləşdirilib

TƏBİB: Bütün bölgələrdə karantin xəstəxanaları müəyyənləşdirilib
23:37 26 Mart 2020
81 Digər
Ölkə mətbuatı
A- A+

“Koronavirus pandemiyasına yoluxma şübhəsi ilə karantinə alınan şəxslərin saxlanma şəraiti nəzarət altındadır. Onların gündəlik yemək və digər tələbatları qarşılanır”.
“Report” xəbər verir ki, bunu TƏBİB-in İdarə Heyətinin sədri Ramin Bayramlı deputat Erkin Qədirlinin sorğusuna cavabında deyib.
R.Bayramlı bildirib ki, yataq yerlərinə heç bir məhdudiyyət yoxdur: “Əksər xəstəxanalarda 1 nəfərlik, böyük palatalarda isə 2 nəfər simptomları müşahidə edilməyən insan birlikdə saxlanıla bilər”.
O, həmçinin şübhəlilərin əsasən cənub zonasında yerləşən xəstəxanalara aparılması məsələsinə də aydınlıq gətirib: “İlkin olaraq, İrandan ölkəyə gələn vətəndaşlarımız çoxluq təşkil etdiyindən, Azərbaycanın cənub bölgələrində karantin xəstəxanaları (Astara, Masallı, Cəlilabad, Neftçala) yaradıldı. Bundan əlavə, Qobustan RMX, 1 saylı Kliniki Tibbi Mərkəz, Elmi-Tədqiqat Ağciyər İnstitutu və 2 saylı şəhər xəstəxanaları da karantin xəstəxanaları kimi müəyyənləşdirilib. Eyni zamanda, ölkənin bütün bölgələrində karantin xəstəxanaları müəyyənləşdirilib. Ehtiyac yarandığı təqdirdə, hər birindən istifadə ediləcək”.


Xəbərin orijinal ünvanı: https://report.az/sehiyye/boyuk-palatalarda-2-nefer-simptomlari-musahide-edilmeyenler-birlikde-s

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR