Rusiyanın Moskva şəhərində qohumları 96 yaşlı qadını koronavirusa yoluxa biləcəyi bəhanəsi ilə evə qəbul etməyiblər.
Milli.Az oxu.az-a istinadən xəbər verir ki, 1924-cü il təvəllüdlü qadın kəllə-beyin travması və beyin silkələnməsi diaqnozu ilə şəhər klinikasının neyrocərrahiyyə şöbəsinə yerləşdirilib.
Sağaldıqdan sonra onunla birgə yaşayan nəvəsi qadının koronavirusa yoluxa biləcəyini bəhanə edərək, təqaüdçünü evə qəbul etməyib.
Yaşlı qadının qızı isə telefon zənglərinə cavab verməyib.
Aprelin 14-də klinikadan məsələni polisə bildirərək, tibb müəssisəsinin aprelin 15-dən koronaviruslu xəstələrə xidmət edəcəyini qeyd ediblər.
"Mash" xəbər verir ki, yaşlı qadın pansionata göndəriləcək.
Səlahiyyətli şəxslər, həqiqətən də, qohumlarının qadına sahib çıxmadıqlarını təsdiqləyiblər:
"Qadın xəstəxanadan çıxarılan kimi əmək veteranları pansionatına göndəriləcək. Sosial müdafiə idarəsinin xüsusi komissiyası onu qəbul edərək, lazımi köməyi göstərəcək".
Milli.Az
