Bakı. 27 may. REPORT.AZ/ Mayın 28-də Tiflisdə azərbaycanlı yazıçı Məqsəd Nurun "Şəhər meri" romanının təqdimatı, müəlliflə görüş və imza mərasimi keçiriləcək. "Report" xəbər verir ki, müəlliflə görüş və imza mərasimi Didube Sərgi Mərkəzində Beynəlxalq Kitab Festivalı çərçivəsində baş tutacaq.
Bədii Tərcümə və Ədəbi Əlaqələr Mərkəzinin iştirakı ilə "İntellekt" (Gürcüstan) nəşriyyatında gürcü dilində nəşr olunan "Şəhər meri" kitabında tanınmış gürcü ədibləri - Givi Alxazişvili, Şota İataşvili və Georgi Kekelizdzenin rəyləri yer alıb. Romanı gürcü dilinə İmir Məmmədli tərcümə edib.