“Türkiyə 2200 ildən çox keçmişi ilə dünyanın ən köklü dövlətlərindən biridir”.
Metbuat.az xəbər verir ki, prezident Rəcəb Tayyib Ərdoğan Türkiyənin dünyada gördüyü işlərdən danışarkən belə deyib. O bildirib ki, Türkiyə digər regionlarda olduğu kimi Afrika dövlətləri ilə də əməkdaşlığa böyük önəm verir:
“2008 və 2014-cü illərdə olmaqla Türkiyədə iki dəfə Türkiyə-Afrika Əməkdaşlıq zirvəsini təşkil etdik. 28 Afrika ölkəsinə səfər etdim. Somaliya 10 il əvvəl həyat yoldaşımla getdim. Bununla da, Somaliya səfər edən ilk dünya lideri oldum. Afro-Avrasiya ölkəsi olan Türkiyənin 3 qitəni əhatə edən geniş əməkdaşlıq baxışı var”.