“Rusiya NATO torpaqlarına müdaxilə edərsə, hərbi alyans buna bütün gücü ilə cavab verəcək”.
Metbuat.az xəbər verir ki, ABŞ-ın Milli Təhlükəsizlik məsələləri üzrə müşaviri Ceyk Sullivan belə açıqlama verib. O bildirib ki, Rusiyanın NATO torpaqlarına hücum edəcəyi təqdirdə bu, bütün müttəfiqlərə edilən hücum kimi dəyərləndiriləcək və hərbi alyansın 5-ci maddəsi həyata keçiriləcək.
Sullivan Ukraynadakı vəziyyətə görə narahatlığını ifadə edib. O bəyan edib ki, Rusiya dərhal hücumları dayandırmalı və məsələlərin diplomatik yolla həllinə yönəlməlidir.
