Rusiya ordusunun Belarusla birgə hərbi təlimlərə başlayacağı Qomel vilayətindəki “Zyabrovka” aerodromunda partlayışlar baş verib.
Metbuat.az xəbər verir ki, bu barədə Belarusun sosial media seqmentlərində məlumat yayılıb. Bildirilir ki, aerodromunda 10-a qədər partlayış səsi eşidilib. Belarusun rəsmi mənbələri məsələ barədə məlumat verməyib. Partlayışların hərbi təlimlərlə əlaqəsinin olub-olmadığı məlum deyil. Qeyd edək ki, hərbi təlimlərə görə, Rusiya qırıcıları həmin aerodroma yerləşdirilmişdi.