Həftəsonundan Azərbaycanda bayram günləri başlayır.
Metbuat.az xəbər verir ki, dekabrın 31-i Dünya Azərbaycanlılarının Həmrəyliyi Günü, 2023-cü ilin yanvarın 1 və 2-si isə Yeni il bayramı münasibətilə qeyri-iş günüdür.
2022-ci il 31 dekabr və 2023-cü il 1 yanvar tarixləri şənbə və bazar günlərinə təsadüf etdiyindən Əmək Məcəlləsinə əsasən, iş və istirahət günlərinin yeri dəyişir və 2023-cü il 3 və 4 yanvar tarixləri qeyri-iş günü olacaq.
Bununla da yanvar ayında ardıcıl 4 qeyri-iş günü olacaq. Bayram tətilindən sonra ilk iş günü isə yanvarın 5-dir.