Zəlzələ ilə əlaqədar Türkiyəyə yardım göstərən ölkələrdən biri də Əfqanıstan olub.
Metbuat.az xəbər verir ki, Əfqanıstandakı “Taliban” hökuməti zəlzələ qurbanları üçün ianə kampaniyası başladıb. Əfqanıstanın Qızıl Aypara Cəmiyyəti 4,5 milyon əfqani, yəni 50 min dollarlıq ianə toplayıb. Əfqanıstanın Qızıl Aypara Cəmiyyətinin sədri Matiul Hak Halis toplanan ianəni selofan torbada Türkiyənin Kabildəki səfiri Cihad Erginaya təhvil verib. Halis türk xalqına başsağlığı verib. Səfir Erginay da köməyə görə təşəkkür edib və yardımı zəlzələdən zərər çəkmiş ailələrə çatdıracağını ifadə edib.
Qeyd edək ki, bundan əvvəl Əfqanıstanın Xarici İşlər Nazirliyi Türkiyə və Suriyaya 160 min dollar pul yardımı edəcəyini açıqlamışdı.
