"Avropada ABŞ silahlarına tələbat artmaqdadır. Hazırda reaktiv və tank kimi böyük silahlar əvəzinə daha çox çiyindən atılan raketlər, artilleriya və dronlara diqqət yönəlib".
Metbuat.az xəbər verir ki, bu fikrləri "Reuters" agentliyi yayımladığı bir açıqlamada bildirib. Nəşr yazır ki, Ukraynanın müharibə səyləri silaha tələbatın kritik olduğunu sübut etdi.
"Reuters" agentliyinin son araşdırmalarına görə, Polşa, Finlandiya və Almaniya kimi Rusiyaya yaxın ölkələr, Avropada ABŞ silahlarının istehsalı ilə bağlı yeni sövdələşmələr aparır və mövcud müqavilələri sürətləndirməyə çalışırlar. Tələb əsasən 155 millimetrlik artilleriya mərmiləri, hava hücumundan müdafiə vasitələri, rabitə vasitələri, çiyindən atılan “Javelin” raketləri və pilotsuz təyyarələrədir.
Xüsusilə 155 millimetrlik artilleriya mərmilərinə tələbat yüksəkdir. Keçən il ABŞ Ukraynaya 1 milyon 155 millimetrdən çox mərmi göndərib ki, bu da ABŞ ordusuna hər biri təxminən 800 dollara başa gələn standart mərmilər hesab olunur.
"Reuters"ə açıqlama verən ordu rəsmisinin sözlərinə görə, ABŞ-ın 155 millimetr mərmi üçün istehsal hədəfi növbəti iki il ərzində ayda 30.000 mərmidən 3 dəfə artaraq ayda 90.000-ə çatıb. Bu artıma səbəb isə ehtiyatlarının bir hissəsini Ukraynaya göndərən Norveç, Kanada, Finlandiya, Fransa, Almaniya və İtaliya daxil olmaqla müttəfiqlərin yenidən müraciət etməsi ilə bağlı olub.
Nəşr onu da qeyd edir ki, ölkələr Ukrayna münaqişəsindən sonra öz zirehlərində “Javelin” zirehli raketinin olmasının vacibliyini anlamağa başlayıblar.
Gülbəniz Hüseynli / Metbuat.az
